[waelsalah]

خواطر واشعار متواضعه صادقه يارب تعجبكم وتأثر فيكم

"انا متربي كويس"

عايشين فى زمان
الادب فيه هجر كل مكان
الكبر على الرؤوس عنوان
وعنوان الاخلاق تاه من زمان
دايما بقول سهل تغلط وتشتم
لكن صعب جدا عليك تكون محترم
كل واحد يقولى انت انسان متربي
وكانه بيقولى روح موت مش محتاجينك دلوقتى
لا الف سيسي ولا مرسي
العيب فينا احنا مش فى الكرسي
الاستهتار بكل غالى وثمين
من كل واحد مش عارف رايح على فين
كل واحد باصص لمصلحته
وكأن مصلحة غيره مش لراحته
بيتقال علينا متدينين
واحنا بعاد خالص عن الدين
اسلامنا بيأمرنا بالاخلاق
واحنا منه براء
ليه نبعد عن الاتواضع والرحمة
واحنا فى اشد الحاجه لرحمة ربنا الواسعة
الحقد والغل مالى قلوبنا
واحنا كلنا آسيين على اقرب الناس لينا
بنخدع وننافق ونوهم
ناس هما لينا ارحم
فين الاخ والاخت والجار
اللى من غيرهم الدنيا فى انهيار
عنوانى إنى متربي كويس
واللى مش مقدرنى بيقولى انت متربي كويس
بشكرك يا اما وبشكرك يا ابا على انى متربي كويس
ربنا يسعدكم ويخليكم
واشوفنى يارب خير ليكم

لا تتكبر . لا تغل . لا تحسد
اعرف دينك وأطع ربك
يارب اصلح أنفسنا وأهلينا وجيرانا وكل من على وجه الارض يارب