بسم الله الرحمن الرحيم
مواضيعى فى المنتدى هنا تعتبر قليلة
بالتالى اللى شجعنى انى اكتب الموضوع ده اعجابى الشديد بالعربية
مش علشان عربيتى
علشان هى اتومبيل بجد
بصراحة العربية جمييييييييييلة جدا
اولا العربية هى
سكودا يتى 1.4 tsi
مع ناقل الحركة الاوتوماتيك الجديد dsg بسبع سرعات
العربية فيها تربو تشارجر فقط علشان كده هى 122 حصان عكس a7 معاها تربو تشارجر و سوبر تشارجر علشان كده هى 140 حصان
و معروف ان السوبر تشارجر بيعالج مشكلة التربو لاج فى التربو تشارجر
العربية وزنها 1750 كيلو
و بعترف ان العربية شكلها مش انسيابى
العربية عملية بمعنى كلمة عملية
كنت جاى من المطار و العربية متروسة شنط و العيلة
و جسم العربية نزل حتة صغيرة لتحت
و اصعب المطبات باخدها طولى من غير ماخدها بلفة من غير ما العربية تحك خالص
العربية شبابية بمعنى كلمة شبابية
صوت التيربو مع dsg واضح جدا فى الشد و الجرى
و جوه البلد العربية هادية لابعد الحدود
العربية بتجيب ال 100 من الثبات فى 10.5 و اوقات بتجيبها فى 9.5 مع العلم ان موقع سكودا كاتب انها تجيب ال 100 فى 10.5
فى ناس هتقول عيوب ال dsg و مشاكله
بصراحة انا مش شايف اى مشكلة
كمان لانى بشد بيها كتير و صوت الفتيس زى مهو متغيرش و الجرى برضو زى مهو الحمدلله
و اعتقد انهم حلو المشكلة ده عن طريق حاجتين
1 - انهم بعدوا وحدة الميكاترونكس عن قلب الفتيس بحيث انه ميسخنش
2 - انهم حاطين safe mode للفتيس بحيث انه يتحط فى وضع الحماية عند 135 درجة لحد ما يبرد
الفتيس بتبقى درجة حرارته و انا بشد و بجرى 110 و اوقات لما بكون معدى 180 بيجيب حرارة 120
جوه البلد بيكون حرارته 98 و اوقات 95 درجة
اول صيانة للعربية كلفتنى 980 جنيه و ده عند 7500 كيلو
تانى صيانة عند 15000 كيلو و كلفتنى 1305 لانه وقتها غير التيل الامامى
مع العلم ان اغلب قطع الغيار اليتى مشتركة فيها مع السوبيرب و الفولكس تيجوان
و كان فى اهتمام من التوكيل فى الصيانة لدرجة ان مدير الورشة هو اللى جربها بنفسه
العيب الوحيد اللى طلعه الكمبيوتر فى العربية هو fuel quality
غير كده العربية تمام
و قدرت اتغلب على العيب ده نسبيا انى بقيت بفول العربية اول ما العربية بتفول المحطة
و اتمنى ان التقرير ده يعجبكم
انا عارف انا متكلمتش عن وسعها ولا عن حجمها
فى المرات الجاية ان شاء الله هتكلم عن كده
و ده فيديو لعربيتى بيثبت رقم التسارع بتاعها فى اقل من 10.5 ثانية