مساء الخير انا عضوه جديده وطبعا يمكن غريبه اني واحده بنت او ست تبقي في منتدي للعربيات
![Smile](http://www.masrmotors.com/vb/images/smilies/smile.gif)
ما علينا المهم انا عجبني الموضوع ده جدا وخصوصا اني حاليا معايا التريوس 2000 اتوماتيك
ومكنتش اعرف معلومات عنها كتير بس ليا سؤالين محتاجه اجابه ليهم
انا فعلا اتقالي موضوع الكوتشات اني الاحسن ليا اني اجيب كوتشات اعرض عشان تقبقي فيها استبلتي اعلي ومفهمتش ايه الي هيخلي الكاوتش الاعرض هيخلي الاستبلتي اعلي ليه
![Smile](http://www.masrmotors.com/vb/images/smilies/smile.gif)
ومعلش بردو مفهمتش ليه نوع الكاوتش يبقي معين
الحاجه التانيه انا اتقلي اني بلاش اجري بالعربيه يعني اخري 80 مع اني كان قبلها معايا هيونداي اكسل كنت بجيب بيها 130 مرتاح
![Smile](http://www.masrmotors.com/vb/images/smilies/smile.gif)
فازاي المفروض العربيه دي تبقي اعلي من الهونداي وطبعا اتقالي عليها انها خفيفه جدا وده الي لاحظته في الملفات مش في الطريق الطوالي يعين المنحنيات فعلا بحس انها بطير
ثالثا بقي عن قطع الغيار يعني معلش استحملوني انا عملت حادثه بيها دخلت في عمود
![Frown](http://www.masrmotors.com/vb/images/smilies/frown.gif)
فطبعا كنت محتاجه اعرف ثمن
الكبوت القدماني طبعا والشبكه والاقصدام والرداتير والسربنتينا بتاعت التكيف
وهل لما دول يتظبطو ترجع العربيه زي الاول وله هلقي نفسي دخلت في دوامه؟