10-05-2014, 09:40 PM
|
|
هواياتي: Kung Fu - Reading
|
|
تاريخ التسجيل: Nov 2011
الموقع: القاهرة
المشاركات: 1,488
|
|
اللادا = محمد طلبه
السلام عليكم
أنا عارف إن العنوان مش مفهوم بس أنا قاصد أحيركم زى مكنت محتار
مع يوميات معشوقة الجماهير "اللادا" - محدش يضحك لو سمحتم 
عندى كوليكشن مشاكل و عماله تزيد و مفيش حاجه بتتحل نهائى
صوت طقطقة و صوت شخلله و رجرجه عند سرعة 40 بالضبط (لا أقل و لا أكتر) و رجرجه فى المكنه عالسلانسية. (الكلام ده عملت بيه موضوعات كتير هنا)
رحت بيها لحيص و بيص من شمال لجنوب اكبر مدينة فى القارة الأفريقية - القاهرة يعنى.
و لا الهوا, صنايعية عاوزين اباده جماعية
- حاولت أعرف سبب كل مشكله و أقف جنب الصنايعية و بصنعة لطافه أنبهه ممكن يكون العيب من .... مثلاً (من خلال كلامكم). بس التكبر على العلم و إعتقاد الكمال تخليهم يطنشوا و ميبصوش (و اكتشفت النهارده ان كلامكم كله كان صح و الصنايعية اللى عندنا أصلهم كفتجية)
المهم اتصلت بالراجل اللى كنت شارى منه العربية قولت أشوف كان بيضبطها فين, رشحلى محمد طلبه !!! مين ده ؟؟؟
الحاج عبدالحميد و الحاج طلبه و أولاده محمد و أحمد و معاهم واحد زميلهم اسمه هشام, كانوا شغالين فى توكيل لادا (شركة الأمل), الناس الكبيرة عجزت و سابت الشغل لأولادها, و أولادهم طلعوا بعثات لروسيا و جابوا معاهم أجهزة من هناك (مش عند أى ميكانيكى) و فتحوا ورشة و سابوا التوكيل و تخصصوا لادا.
بالنسبة لصاحب الورشة حالياً: البشمهندس محمد طلبه, راجل قمة الذوق و الأخلاق و متعلم و محترم.
أثناء شغله طبعاً لازم أصدع دماغه و أعرف إذا كان محترف و لا هاوى
بصراحة طريقة الفك و التركيب تدل على خبرة و تخصص و تطبق المثل القائل: ادّى العيش لخبازة
أثناء الصداع المزمن بدأ يكشف المستخبى؟؟؟؟
عنده اسبراتير الكترونى لادا أصلى بالكتاوت و التوصيل 450 ج و بيركب على أى موبينه (زيت أو الكترونى)
كارونه سريعة (بتاعة الفتيس الـ 5 غيار) 650 كامله
مناول دركسيون على رولمان بلى 70 ج
و حاجات تانية سالته عليها بس مش فاكرها
المهم سالته على مقاسات بيكات كربراتير اللادا ( بعد ما دوخت عليهم فى الكتالوجات الأجنبية) و عرفهم ساعتها عرفت انه فاهم
ندخل بقى على الورشة
فى وراق العرب, شارع أمام شركة الغاز و المجزر الآلى ,أرض فضاء ليها باب حديد كبير و جزء منها ليه سقف (استراحه) و حجرتين لزوم قطع الغيار و بيارة علشان ينزل تحت العربية.
هأسيبكم مع الصور ....
البشمهندس محمد طلبة
الدائرى - نزلة الوراق - شركة الغاز
شركة الغاز و انت رايح ع الدائري هايبقى على يمينك و لو انت جاى من الدائري هاتلف من عند الغاز و ترجع تانى و تخش تانى شارع شمال (شارع بجوار قاعة أفراح ليلة العمر قبل المجزر الآلى)
او كلمه بالتليفون و انت عند الغاز احسن
محمد طلبة :- 11966816 - 011
ميكانيكا و عفشة و كهربا لادا
__________________
|