رد: مساعده يا اهل الخبره
2107 / 2105
أكتر موديلات لادا منتشرة فى مصر
و فى محافظات منتشر فيها الـ 1500 برضه
كل موديلات اللادا قطع غيارها منتشرة و رخيصه و بتبوظ بسرعه جداً
2101 - 2102 - 2103 - 2104 - 2105 - 2106 - 2107
الموديلات دى فيه منها ليموزين و فى منها استيشن
المهم فى اللادا لما تفكر تشترى...
حالة الصاج ميكونش فيها بارومه و خاصة فى الدواخل و القوايم
العفشة متكونش بتشخلل, تكون ماسكه نفسها شويه
آلات الجر (فتيس و كردان و كارونه) مهمين جداً جداً ميكونش فيهم ونّه
حالة المكنه مفيش تخبيط و لا أصوات مش طبيعية, يعنى الصوت منتظم و طبعاً هيكون عالى, و ياريت تآخد معاك مفتاح بوجيهات و تفك أى بوجية تشوف السن بتاعه عليه زيت ولا لأ (البوجية بيكشف حالة المكنه من النص العلوى عاملة ايه, و غالباً النص السفلى متأثر بنفس الحاله)
__________________
|