[حسن شرف]

السلام عليكم ورحمة الله وبركاته
هحكى لحضراتكم قصة طريق مشيت عليه امبارح لأول مرة
كنت امبارح بوصل واحد صحبى دكتور وخبير فى وزراة العدل امبارح من عندنا من المنوفية وهو اساسا من بلطيم وساكن فى كفر الشيخ واحنا الحمد لله معندناش اى مواصة مباشرة الى كفر الشيخ فقالى وصلنى لغاية طنطا وانا هركب من هناك الى كفر الشيخ قولتله ماشى طلعت من عندنا من شبين الكوم حوالى 30 مطب صناعى ربنا يبارك فى الى عاملين المطبات لغاية ممسكت طريق مصر اسكندرية الزراعى حوالى 35 كيلو المسافة كلها وصلنا طنطا ملقيناش اى حاجة لكفر الشيخ طبعا علشان الشهامة بقى والرجولة والحماسة ومعاك عربية الحمد للة مسعداك قولتله ولا يهمك يا دكتور انا هوصلك كفر الشيخ قالى بلاش قولتله لأ والله العظيم لوصلك قالى انت حر اتكلت على الله واخت طريق طنطا - كفر الشيخ مؤلكوش بقى على حلاوته من مطبات وضيق واعمال رصف وفوق كل دا كهربة مقطوعة والله العظيم ان كلت حوالى 90% من المطبات ولما تعبت من المطبات كنت بجرى ورا أى سواق مكروباص علشان هو الى حافض الطريق ودخلنا لغاية كمين كفر الشيخ وكان الكمين شغال ومبيسبوش عربية ولا موتوسيكل ولو شكوا بيفتشوا العربية كمان تحية منى لمرور كفر الشيخ واجمل حته كانت فى الطريق الى بعد الكمين لغاية جوا كفر الشيخ بحق طريق جميل بس الحلو ميكملش ضلمة بردوا بس مش مهم طالما كويس ولكن اسوأ ما فى الطريق انقطاع الكهرباء (ظلام حالك) طيب لو لا قدر الله العربية عطلت الواحد يعمل ايه ....

وانا راجع من كفر الشيخ وليس معى احد الا الله ومشغل اذاعة راديو مصر وكانو مستضيفين الدكتور احمد عمر هاشم وانا سامع والنور قاطع فى الطريق كله وليس جزء منه والاقى مطب قدامى فجأة تييييييييييت مبروك كلت المطب والحمد لله مكانش حد ورايا ولا قدامى والا كنت انتبهت الحمد لله حصل خير واستغفرت ربنا وفتحت ازاز العربيه كله علشان افوق من الخضة لأنى مينفعش اقف لغاية ما وصلت طنطا حسيت بتزييقة خفيفة من قدام كدا تحت فى العربية ولكن حاسس انها مش مأثرة على أداء العربية فى السحب والمشى ولكن انا شكاك شوية ووصلت البيت الحمد لله حوالى الساعة 11 مساء وقلت بكرة ان شاء الله لما اصحى من النوم هبقى اشوف التزييقة دى منين وايه الى حصل مفيش معلومة كدا على السريع حد يقولى التزييقة دى من ايه والظاهر انا حسدت عربيتى ... بالمناسبة عربيتى نوبيرا 2 2005 اوتوماتيك فبريكة برا وجوا ولونها اسود وكنت بصلحها فى التوكيل وكنت عرضتها للبيع ورجعت فى كلامى علشان عزيزة عليا جدا ومش عارف ممكن اركب ايه بعدها وللعلم العربية سعات ممكن تقعد اسبوع واقفة تحت البيت وفى آخر 8 شهور عملت 6000 كيلو بس ربنا يحرصها ويخليهالى يا رب ويبعد عنها العين مش عارف بقى ابخرها ولا أدبح ليها حاجة (أرنب ولا فرخة) هههههههه والسلام عليكم ورحمة الله وبركاته