[AbOnOrA]

فيما يبدو ان حضرتك فاهم الموضوع غلط زى ما كلنا كنا فاهمين الاول

البى ام عربيه محترمة مفيش كلام فى (( الإداء فقط ))
يعنى جرى وسحب وملفات وفرامل
(((لكن ))) كاعتمادية واعطال واسعار قطع غيار وصيانات وصنايعية واعادة بيع كل ده عربيه سيئه باقتدار وخااااااااااصة الموديلات القديمة زى الدبانة

وبالتالى لو حضرتك عايز تجيب عربيه للعب والجرى والدريفتات توكل على الله وتقل جيبك وحاول تلاقى حالة نظيفة وحاول تدور فى اوخر التسعينات

لكن لو استخدامك للعربيه شغل والعربيه ايدك ورجلك وملكش طولة بال على الصنايعية وقطع الغيار والذى منه يبقى اهرررررررررررب من البى ام وخاصة الموديلات ديه

او على الاقل تبداء من الموديلات بتاعة الفئه الخامسة مش التالتة موديلات اواخر التسعينات والالفين اللى هى e39



الموديل ده ممكن تلاقى فيه حالات محترمة وكان راكبها ناس محترمة وهتديك البرستيج بتاع البى ام والعملية فى الاستخدام اللى تناسب ظروف شوارعنا فى مصر

وتحت امرك فى اى استفسار تانى بس رجاء بلاش تكرار للموضوعات فى اكتر من قسم علشان نعرف نتابع مع حضرتك