العربية بتسخن مع السحب عالطريق ومش بتسخن فى الزحمة
دلوقت يا جماعة أنا من مدة كبيره كان عندى مشكلة إن العربية بتسخن مع السحب ومش بتسخن وهى واقفة, رحت ساعتها لواحد بتاع رادياتير ونضفنا الدورة بميه وسوائل تنظيف وخلافه, المهم العربيه فاقت شوية ونسيت الموضوع, من كام يوم كانت كوعة الميه بتنقط, فرحت للميكانيكى فكها وظبطلها جوان وجمالكة وبتاع وبقت تمام, كمان ساعتها فك سير الدينامو (عليه طلمبة الميه) عشان طنبورة طلمبة الميه كان شكلها مش عاجبنى وقلت أغيرها, فى الآخر ملقتش زيها ورجعت ركبتها تانى, وطبعا هو كمان فك الإسبراتير عشان كان مغطى عالكوعة.
المهم بعد ما طلعت من عنده العربيه رجعت تسخن مع السحب, السؤال بقى تفتكروا المشكلة ممكن تبقى من إيه ؟
1. الرادياتير لما فضى من الميه وبعدين رجع ملاه فى وساخة إتحركت ورجعت سدته تانى (أنا شاكك إن الجركن اللى ملى منه الميه كان مطرحه بنزين, مع العلم إنى خليته يفضى الميه كلها وغسلناه بميه نضيفه (بس من غير ضغط) وحطتله ميه خضرا
2. هل ممكن يكون سير طلمبة الميه مرخى فالطلمبه مش بتلف كويس (بصراحة مش مقتنع لأنه أساسا سير مشرشر)
3. رحت لكذا ميكانيكى عشان أظبط الإسبراتير وكله قالى الإسبراتير تمام
4. العربيه كيا برايد سيدان موديل 1999, عامله 225 ألف كيلو والرادياتير بتاعها فابريقه ما إتغيرش
|