المشاركة الأصلية كتبت بواسطة nktis
معلش اسمحلي بالسؤال ده يا بشمهندس عمرو و من واحد مبتديء .,,,.
الوضع p لتثبيت السياره .,,,. معني كدا ( الاوتوماتيك مفيهاش فرامل يد .!؟!. )
|
فيها فرامل يد عادي خالص يا دكتور
انت لو معاك مانيوال وواير فرامل اليد اتقطع حتعمل اية
بتسيب العربية علي وضع تعشيق صح
طيب في الاوتو ماينفعش تسيب العربية علي وضع تعشيق
لية لان بديل الدبرياج في الاوتو محمول عزم
ودة عبارة عن علبة جواها زيت ومروحتين بينقل الحركة
عن طريق القوة الطاردة المركزية
http://www.youtube.com/watch?feature...&v=s613GPE8bS4
فانت لو سبت العربية علي وضع تعشيق ودفعت العربية حتتحرك بسهولة جدااا
فكان لازم يامنو الموضوع دة
وعملو حاجة اسمها قلبشة فتيس الي هيا الوضع p
يعني بيكلبش التروس نفسها في بعض
بس خلي بالك وضع p
خطر جدااا يوجب التعامل معاة بحرص
في ناس بتكون لسة العربية ما وقفتش ويعشق p
حتسمع احلي هبدة في الفتيس
ولو كانت العربية سريعة شوية الفتيس حيطلع من الجكمان