رد: الفتيس هيجنني ارجوكم افيدوني
أخي الكريم .. السلام عليكم و رحمة الله و بركاته ..
أنا تقريبا مر عليا موضوع مشابه لموضوعك بس كانت العربيه هيونداي إالنترا .. المهم سيبك من محمد عسكر لانه صيت عالفاضي عن تجربه و اللهي .. إحتمال كبير تكون مشكلتك أبسط و أسهل مما تتخيل و كل الافنديه المشهوريين اللي رحت ليهم فاتت عليهم .. في فيشه خارجيه بتاعت الفتيس و هي دي غالبا العيب فيها .. أولا هتجرب إنك تنضفها بس إعمل كدا أخر اليوم علشان تسيب العربيه بايته و الفيشه مفكوكه .. إشتري من عند بتوع إكسسوارات السيارات إسبراي تنظيف فيش كهرباء السيارة و بعدين فك كبل البطارية و و غرف الفيشة إسبراي من جوه و سيبها مفكوكه و تاني يوم وصلها كويس و ركب كبل البطاريه و توكل على الله و إنشاء الله العربية هتظبط معاك و لو حصل و إتكرر العطل كرر نفس الخطوات مره تانيه لان في الغالب الفيشه بيكون متراكم على جزء منها أكسده نتيجه غسيل موتور السيارة .. جرب و قولي إيه الاخبار .
|