بسم الله الرحمن الرحيم
**************
الحمد لله ركبت فوج لايت لعربيتي F3 بعد خوف وتردد طوال سنتين خايف الاعب في العربية عشان ما بوظش حاجة زي ما ناس كتير خايفة
وعلى فكرة العربية مجهزة للفوج يعني مش هاتعمل حاجة غير تركيب بس مش اكتر ولا سلك ولا كتاوت ولا اي حاجة ... كل حاجة جاهزة للتركيب
وأخدت القرار وأشتريت الحاجة ورحت أركبهم و الموضوع طلع بسيط جدا جدا وماخدتش 10 دقايق وكانوا راكبين ومنورين
أول حاجة أشتريت دراع نور فيه زرار الفوج وسعره 95 جنيه وجوز شبورة ب 110 بالمبة من عماد جرجس بشارع دمشق
ورحت للكهربائي وقولتلو فك الدراع القديم .... وركبلي الدراع الجديد وبعد ما ركب جربت نور الفوج لاقيتو نور في الطابلوة بالشكل ده
وبعدين ركبنا الفوانيس ... ومن غير فك للاكصدام ولا حاجة فكينا الكارتيرة من تحت وأخد الفيشة ( موجوده جاهزة على التركييب ) بتاعت الفوج وركب الفانوس وقفل وخلاص الموضوع ..
واي استفسار انا موجود
