المشاركة الأصلية كتبت بواسطة zing0
بص يا باشا
الموضوع كله متوقف على إحتياجك , يعنى انت عاوز ايه من العربيه
بالنسبة للمميزات المشتركه بين اللادا و الماروتى:
- من أرخص العربيات الزيرو فى السوق
- قطع غيار متوفرة و سعرها مناسب بالنسبه للفئات الأخرى
- ميكانيكا بسيطه و سهلة الصيانه
- اللادا أقوى فى الصاج و المكنه و عدد السلندرات, و تتحمل السفر لمسافات طويله و تتحمل الطرق المكسرة أكتر من الماروتى, و أوسع من الماروتى و بها شنطه, عزم أكبر من الماروتى, فى الطراز المصرى فيه شوية كماليات (تكييف - باور - زجاج كهربا و سنتر و انذار ...)
- الماروتى شبابى أكتر (شكل أحدث) , موتورها صوته هادئ, استهلاك بنزين قليل جداً, قطع غيار يابانى و تقفيل هندى (غير تقفيل اللادا المصرى), سحب أفضل من اللادا
العيوب:
- الماروتى: صالون ضيق يشيل 4 فقط متوسطين (مش حجم الجامبو يعنى), عفشه ناعمة عن اللادا بس ضعيفه, وزنها القليل بيخليها مش ثابته على الطرق السريعه (لذا يفضل الا تزيد سرعة القيادة عن 100 كم/س)
اللادا: فيها شوية مشكلات مزمنه عمل التوكيل على حل بعضها و الفتاكه المصريه الأصيلة لصنايعية الورش البلدى على حل البعض الآخر, منها:
العفشة محتاجه تربيط و إطمئنان من حين لآخر و حسب نوع الطرق إللى بتمشى عليها.
السخونية, و دى بيغرولها ترموستات ,و ممكن ريداتير نحاس بدل الألمونيوم, و تغيير المروحة لـ 8 ريشة كبيرة, و أخيراً ممكن تلغى ترموستات الكوعه خالص و تسيبها عالبحرى.
دركسيون حجرى, مالوش حل عملى أكتر من تغيير المناول من فبرة لرولمان بلى (بس الرولمان بلى بيتكسر مع المطبات و محتاج تشحيم كل شويه), أو تشتريها باور أو هاف باور من الأول.
صوت المكنه عالى, و دى ملهاش غير حل واحد, انك تعتبر نفسك بتسمع سيمفونية علشان متصدعش.
بوجه عام:
- أسرة صغيرة أو شاب لواحده, مش بتسافر كتير , طرق مش مكسرة (رغم انها مستحيله) = ماروتى
- اسرة كبيرة و سفر أو مسافات طويلة و تحميل و طرق سريعه و مكسرة يبقى اللادا
و منتظر معاك رأى باقى الأعضاء
|