عندى تيش اسكاتره اطول من التانى - للمحترفين فقط بالله عليكم
السلام عليكم ورحمه الله وبركاته
مره خليت العفشجى يفك الاسكاتره علشان يشحمها وعلشان يغير تيش وبيضه
وعلشان يبقى كلامى واضح التيش ده هو العمود اللى بيطلع من الاسكاتره علشان يزق الفرده يمين وشمال
المهم غيرت التيش والبيضه ولاحظت ان التيش اللى كان موجود ما كانش نفس الطول (متعدل)
والتيش اللى كان مش ايتغير برضه ما كانش نفس الطول
المهم ركبنا علشان كان موضوع تركيب الاسكاتره ده مقرف شويه
مشكلتى بقه ان الفرده بسمع صوتها اعلى شويه من اختها لما الف ناحيه التيش اللى ما تغيرش وفضل مش نفس المقاس
فهل ممكن طول التيش او قصره يخلى الفرده تقلب لجوه او لبره مع لف الدريكسيون وده اللى بيخلينى اسمع صوت الفرده اعلى والطاره خفيفه فى ايدى
وللتبسيط تخيلو لو ان تيش اطول من التانى ايه نتيجه ده على العربيه ؟
__________________
سيارتى:كيا برايد هاتش باك 1300cc مانيوال1999 كاربراتير.
محل الاقامه : الاسماعيليه.
الهوايات : الصيد بالبنادق الهوائيه وصيد الاسماك .
الخبرات :
كل ما يتعلق بالحاسب الالى (ما عدا الشبكات)
تصميم واداره قواعد البيانات
التحليل المالى للشركات
حاليا : فهم كل ما يتعلق بعالم السيارات.
|