القصيدة التحفة ...
من قلب رابعة
عبد الله الشريف
ماشي يا ريس ..
بس امانة عليك تسامحنى ...كنت انا يوم سكينة فضهرك
ايوة انا حسيت ضهرك محني ... زي ما غيري نال من عرضك
بس انا شفت بعيني خلاص ... كان تسعين مليون بيحاربك
البنزين بقى بالفنطاس و ... انت يا نور و لا حدش قطعك
و الازمات مسمعناش بيها ... كله يا ريس كان متفبرك
خطابك لما سمعته انا منك ... كنت انا حسك بتشجعني
اتاريك كانت الطلجة فصدرك ... و كنت يا ريس بتودعني
صوتك لسة اني حاسه في ودني ... بتجولي اوعاك تغلط يابني
حط ايديك فإدين اخواتك ... عمر بلدك و ازرع و ابني
حاضر يابا راح اقفل بقي
مصر حقيقي هي الاولى ... بس انا طعم الظلم فحلقي
و عمر الظلم ما قوم دولة ... جفلوا جناتي و سابوني اهاتي
و ترعة جناتهم مالها هويس ... و عاوزيني اطاطي بنغمة خواتي
و تمن دم اخويا عليهم رخيص ... اوديها فين دموع اليتامى
و كم ام حزنت في شهر الكرامة ... عيالنا اللي ماتت برش الندامة
و كم طلجة فاتت فبدلة عريس
و ناس تانية باتت فحضن الشوارع ... في كام شمس غابت و كام فجر طالع
و غربة بتاكل في صدري اللي والع ... و شاشة بخيري و عمرو و لاميس
فخلي الحكومة بتاعتهم متابعة ... و خلي البيادة تدوس ستة سابعة
خواتي جاوها من جلب رابعة
مالناش حكومة و انت الرئيس ... و غيظهم يا رابعة من حر داسك
جالولنا الجرب راح و عشش في ناسك ... و نسيوا وضوء الطهارة الفريضة
و سواك التهجد بطعم المناسك ... و جالوا اللي رايح لرابعة يا بخته
بنات الجهاد راح يسلوا بسلامته ... يارب اللي جالها يشوفها في اخته
بناتك يا رابعة تاج ملو راسك ... فخلي اللي يشتم يشتمله ساعة
و خلي اللي حاسدك يطلع اشاعة ... اصلك يا رابعة كايدة الجماعة
و كايدة رباط البيادة اللي ماسك
تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 720 * 448.
كوكو واوا
محمود المصري
كوكو واوا وكوكو تاء
ساندوتش سياسه طازه
صحن مرقه بالغباء
حقنه شرعيه ف إزازه
حد شاف الواد حماصه
شكله ناوي ع الرئاسه
حد قال للشعب يصحي
م التباته والتياسه
حد فاهم حد فاكر
قولنا مش عايزين عساكر
يدخلوا ف بحر السياسه
والعداله والقضاء
كوكو واوا وكوكو تاء
كوكو واوا وكوكو نون
حد جاب سيرة القانون
والطوارئ والمغالق
حد جاب سيرة السجون
واللي ماتوا واللي عاشوا
حد فاكر كام معاشه
وإنكساره وإنتعاشه
يا جموع الثائرون
المكاسب ف المناصب
والعداله ف البقاله
سلعه بايره هدمه باله
شعب مغرم بالأعاجم
والمشاكل ف الهياكل والجماجم
عمنا الحاج الخواجه
حط ايده ع المناجم
حد فاهم مني حاجه
وشاف كلامي ف المعاجم
حد فاهم حد واعي
الكلام دا مش بتاعي
حد فيكم يوم سئل
اللي اتقتل ليه اتقتل؟!
واللي قتل طب ليه قتل؟!
يا كل واحد عاش بطل
البطوله معني واضح للجنون
كوكو واوا وكوكو نون
كوكو واوا يا حلاوه
ع المشايخ والفتاوي
ع المنابر إستحلوا
عرض اهلي بالغباوه
فرقونا ف كل وادي
حادي بادي يا بلادي
اختيارك بين ولادي
مش عداوه
كوكو واوا بالهداوه
حبه حبه يا اكابر
الحراير ع السراير
والغوازي ع المنابر
والجيوش جوا الحارات
والجهاله ع الشاشات
والكلام صابه السكات
هو مين فينا اللي مات؟!
يا ذوات!!!
كوكو واوا وكوكو صاد
اه ياخوفي من الحصاد
والحصانه تبقي عاده
وتبقي ساتر للفساد
يا جموع الطالبون والطالبات
الهاتفين والهاتفات
الرافضين والرافضات
علوا الهامات
اما اللي راضي بالثبات
قال يعني هيشوف انجازات
احب اقوله انت اللي مات
ومش هينفع فيك عزاء
كوكو واوا وكوكو تاء