[zing0]

هو مش برضه إنت بتوصف نفسك و لا الشيخ محمد ده من حبك فيه سجلت فى المنتدى بإسمه؟ !!!!
أخى الفاضل
حضرتك صنايعى, يعنى كلك مفهومية
الناس إللى هنا مش بهوات و لا بشوات
و يااااااااااما ناس دخلت تعمل أفلام هنا و لامؤاخذة .... إتبهدلوا
الصراحة أفضل و أقصر و أنجح الطرق
و الموقع هنا مش مانع الإعلانات بس بشرط تكون صادقة لإن السمعة على النت يا إما بتعمل إسم و تاريخ يا إما بتنسف كل حاجه
و لو كذا واحد شكر فى شغلك بعد التجربة الفعلية و المعاملة و الأسعار و .... أكيد بيتفتحلك بسببة باب للرزق, و العكس برضة محتمل.

إنما لو حضرتك صادق و فعلاً من سكان حلوان و بتروح لحد فيصل علشان الميكانيكى
مستعد أدلك على أفضل صنايعية فى حلوان و مايو و التبين و المعصرة و طرة و المعادى لحد صقر قريش و بلاش تبهدل نفسك.
(ده لو إفترضنا إنك صادق فى كلامك)