[amro_ahameed]

المشاركة الأصلية كتبت بواسطة Hisham.Elgazzar ربنا يخليك يا عمرو باشا كلنا بنتعلم تنور يباشا أى وقت انا موجود إن شاء الله مكانى حاليا عند تقاطع مصر والسودان مع أحمد سعيد كنت عاوز أعرف اه نوع البوجيهات اللى راكبة عليها وأه حالة الموتور وآخر مرة ظبط التاكيهات كانت أمتى نوعية الوقود المستخدم وبتفول من محطات اه ؟ حالة الشكمان ، الإسطوانة والديسك أخبارهم أه و مقاس الكاوتش والجنط اسبور ولا عادى ؟؟ آخر مرة عملت شغل فى الفرامل والعفشة معلش طولت عليك بس كل الحاجات دى بتأثر على أداء العربية بطريقة مباشرة

الله يبارك فيك يا ريس
وان شاء الله على ميعادنا
أما بالنسبة للأسئلة:

- حالة الموتور وآخر مرة ظبط التاكيهات كانت أمتى ؟
حالة الموتور عادية، وظبط التاكيهات من اسبوعين بالظبط

- نوعية الوقود المستخدم وبتفول من محطات اه ؟
بنزين ٨٠، المحطة غالباً وطنية.

- حالة الشكمان ، الإسطوانة والديسك أخبارهم أيه؟
الشكمان كويس، انما الاسطوانه والديسك معرفش عنهم حاجه

- مقاس الكاوتش والجنط اسبور ولا عادى ؟؟
الجنط سبور، بس ناسي مقاس الكاوتش

- آخر مرة عملت شغل فى الفرامل والعفشة؟
من حوالي شهر غيرت عفشه كامله، وظبطت الفرامل وراء وقدام

وبرده لما تشوفها اكيد برده ليك نظره

والف شكر ليك مقدماً