[mohtaia]

السلام عليكم

فى الموضوع ده هنتعرف على كيفية حل فرش الباب الخلفى للأسبيرانزا A516

ايضا هنتعرف على طريقة تغيير اكرة الباب المكسوره



فى البدايه عندنا اربع مسامير فى الباب عاوزين نفكهم كما موضح فى الصوره



مسمار اكرة الباب عليه طبه بلاستيك
نفكها بمفك مبطط ونخلع المسمار



لخلع حلية الأكره هنزقها بمفك مبطط من نفس المكان الموضوح فى الصوره
وبعد كده هنزقها للخلف علشان نفك اللسان بتاعها من فرش الباب



ودى صوره للسان بتاع الحليه
طبعا عند التركيب بعد ما نخلص بنعكس وبنركب اللسان اولا



المسمارين بتوع قايم الباب عليهم طبتين بلاستيك برضه
هتحتاج حاجه رفيعه علشان تخلع الطبتين قبل ما توصل للمسامير
بعد خلع المسمارين هتشيل الحليه كما نوضح فى الصوره



لخلع فرش الباب هنشد من تحت نحو الخارج علشان نفك الكليبسات الى ماسكه الفرش
فك كل الكليبسات وانت ماشى للأعلى



بعد كده هنزق فرش الباب لأعلى من الجنبين لخلعه تماما من السياره



نفك البلاستيك الأبيض بالراحه ونحافظ عليه
هنلاقى الأكرة قدامنا



نفك المسمار الموضح
( المسمار التانى مش ضايع ولا حاجه ده الى فكيناه علشان نخلع حلية الباب اول حاجه )



هتطلع معاك الأكرة القديمه هنفك منها السلكتين الخاصين بالفتح وبالمسوجر بتاع الباب
طريقة الفك كما فى الصوره
نشد السلك للخارج ( السهم الأزرق )
وبعدين نطلعه تماما من الأكره ( السهم الأحمر )
وهكذا مع السلك الآخر



نركب السلكين فى الأكرة الجديده بعكس الترتيب السابق
الأحمر ثم الأزرق
ممكن تحرك دراع الأكره أو المسوجر لو احتاجت علشان يسهلك العمليه

نرجع الغلاف البلاستيك كما كان بالضغط على الشريط الأسمر



ونركب كل ما سبق بطريقة عكسيه

مبروك على الأكره الجديده

وتقبلوا تحياتى