رد: تعرف يعني اية كامه "متور"
لاء طبعاً فيه كلام كتير لان الموضوع مش مطلق ان اى محرك 2 كامة افضل من اى محرك 1 كامة
عدد الكامات واحد من سمات المحرك مش هى كل شىء
الكامة هى العمود العلوى اللى بيتحكم فى فتح وغلق الصمامات لغرف الاختراق فى المحرك
المعتاد فى المحركات الصغيرة والمكونة فى اربعه سليندر على صف واحد يكون ليهم كامة واحدة
وبيستخدم 2 كامة زى اللى فى صورة فى حالة ان المحرك كبير وعايزين عدد كبير من الصمامات او ان المحرك من نوع v المكون من صفين من السليندارت بيبقى لكل صف كامة
وفى محركات واحد كامة فيها 8 - 12 و 16 صمام فهو مش موضوع عدد صمامات بس قد ما هو تناغم كل المكونات وطريقة ادارة المحرك وتغذية الوقود
عامة فائدة وقيمة الكامة التانية بتتوقف على معايير متعددة فى تصميم المحرك ككل ومش شرط حاجة تكون احسن من التانية بس فيه سمات عامة لكل منهم زى
المحركات احداية الكامة
تكلفة المحرك اقل
صيانتة اسهل
موفر فى الطاقة والوقود اكثر
وزن المحرك اخف
عزم افضل على السرعات القليلة
المحركات ثناية الكامة
اكثر تأدية وعزما على السرعات الكبيرة
افضل فى ادارة تغذية الوقود (لان عدد الصمامات غالباً بيبقى اكبر)
بس احنا فى مصر بنحب الكتير دايما موتور اكبر عدد كامات اكتر عربية اطول اوسع وهكذا كل حاجة اكتر تبقى احسن على طول !!!
وده مش صح طبعا
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|