رد: التحايل "الاخوانى"!!
حماس.. حقائق تاريخية !!
- ليه اسرائيل انسحبت فجأة وبشكل طوعي وأحادي الجانب من قطاع غزة سنة 2005 ؟!! هى الحداية بترمي كتاكيت ؟!!
لأ وسبحان الله ! الصدفة إن أول ما اسرائيل تنسحب من قطاع غزة، تقوم حركة حماس تعمل ا...نقلاب مسلح ضد منظمة التحرير الفلسطينية وتستولي عسكرياً على قطاع غزة !!!!!
شوفوا الصدف !
2- يطلع أحد المسئولين عن الأمن القومي لإسرائيل، الجنرال إيجورا إيلاند، ويقدم اقتراح إن حماس تاخد الفلسطينيين بتوع غزة ويعيشوا في سيناء، وفي المقابل مصر تاخد حتة أرض بدالها في صحراء النقب.
3- قبل الكلام ده كله اسرائيل تغتال الشيخ أحمد ياسين مؤسس حركة حماس .. وبعدين تغتال الرجل التاني بعده "عبدالعزيز الرنتيسي" .. وبعدين تيجي على الراجل التالت "اسماعيل هنية" ومتغتالهوش ولا تقتله ولا تقربله !!!!
وشوفوا الصدف كمان بقى .. اسماعيل هنية كان قائد الانقلاب المسلح في قطاع غزة !
4- وبعدين بعد ما الدنيا دي كلها "تترستق" و "تتظبط" يقوم يجي باراك أوباما يدعم الحملة الانتخابية لمحمد مرسي طرطور الإخوان بمليار ونص !!!! من فلوس الميزانية الأمريكية !!
5- محمد مرسي أول ما ينجح يقوم يسمح لشركة الديار القطرية العقارية لأول مرة في تاريخ مصر إنها تشتغل في سيناء !!
طبعا عشان المستوطنات الحماسية !
6- الإخوان يعملوا دستور بيسمحوا في مواده بإن المصري المتجنس اللي والديه مش مصريين يبقى عضو في البرلمان .. طبعا عشان يجنسوا بتوع حماس ويدخلوهم !
7- 16 جندي مصري يتقتلوا وهما بيفطروا في رمضان .. والقتلة يهربوا من أنفاق غزة اللي حماس مسيطرة عليها بنسبة 100% !!
8- بعد سقوط مرسي تحت جزم شعب مصر، نكتشف إنه كان سايب حركة حماس تسرق الوقود المصري المدعم من خلال التهريب في الأنفاق ..
وقال ايه الواد ابو سكينه تديله 20 جنيه يقطع الكهربا !!!!!!
9- حركة حماس توفر الملجأ لقيادات الإخوان الدموية (الإخوانجي محمود عزت) اللي عمالين دلوقتي يقتلوا في أطفال وشباب وجنود مصر .. وتوفر الحماية للحركات الإخوانية المتطرفة زي أنصار بيت المقدس والفرقان ومرتزقة ممتاز دغمش وغيرهم اللي كل فترة والتانية يعملوا عملية إرهابية في مصر.
10 - حركة حماس منعت الانتخابات في قطاع غزة بشكل كامل من سنين
على فكرة كل الكلام ده حقائق تاريخية .. مش آراء
أي حد ببحث سريع أو بقراءة سريعة لكتب التاريخ هيلاقيه.
فأرجوكم محدش يحاول يقنعني إن حركة حماس حركة شريفة !
ومحدش يحاول يقنعني إن حركة حماس مش صناعة صهيونية.
__________________
|