سؤال لخبراء الكهرباء فى السيارات
بالنسبه لجهاز الغاز القديم (الكربراتير) كان مفتاح التحويل 3 تكه يمين غاز وسط فاصل الغاز والبنزين شمال بنزين.
وبالتالى ممكن أدور العربيه على البنزين أو الغاز حسب إختيارى
أما الإسبرانزا فالمفتاح اللى راكب فيها 2 تكه فقط إما بنزين أو غاز والتحويل من بنزين لغاز أتوماتيك مع أول دوسة بنزين
أما التحويل من غاز لبنزين فهو يدوى
المشكله التى أبحث لها عن حل هى:
فى حالة عدم وجود بنزين بالتنك لأى سبب أو عطل فى طرمبة البنزين أو سدد فى فلتر البنزين لن تدور السيارة أبدا حتى لو عملت إيه لأنها لازم تدور بنزين الإول.
اللى بفكر فيه هل ممكن عمل مفتاح واحد تكه أو ما شابه ذلك للإحتياط إذا حصل عطل مفاجئ فى خط البنزين أقدر أشغل السيارة منه على الغاز لحين ما أذهب بها للميكانيكى وإصلاح العطل فى دورة البنزين.
المشكله اللى بفكر فيها إن السيارة فى هذه الحاله ملهاش غير حل واحد إنها تتقطر أو تتشال على ونش مع إن فيها غاز وممكن تمشى ومتبهدلنيش لحد ما أصلحها.
معلش دى مشكله كل اللى راكب عربية فيها طلمبه كهرباء بيتعرض لها فى أماكن صعبه وأوقات غير مناسبه وبتبقى بهدله فالغاز فى هدة الحاله المفروض يكون بديل ينقذ صاحب العربية من إستغلال اللى هيقطره أو الونش اللى هيشيله خصوصا لو معاه أولاده أو راجع متأخر أو على طريق سفر
ربنا يحافظعلينا جميعا ويحمينا من مشاكل الفجأه
وبارك الله فيكم جميعا
|