[خالدخليفة]

مع احترامنا لكل اللى علقو لكن واضح انهم سمعو عن الموضوع بما فيهم كاتب الموضوع لكن انا شخصيا قريت كلام ممدوح اباظة وكيل بيجو فى مصر فى اهرام الجمعه من حوالى كام شهر والحكاية ان مشروع احلال التاكسى الجديد جاى وراه مشروع الميكروباس والمسالة ان كل البيجو اللى بيلف طول النهار بين المحافظات هيترمى كله وطبعا زى م حضراتكم عارفين العربية7 راكب ومفيش عربية 7 راكب بتتباع فى مصر اصلا الا العربيات الغالية جدا ومش اقتصادية وبالتالى نطت الفكرة فى نافوخ ممدوح لان كل عربيات الاقاليم دى هتترمى بدل ميشترو ميكروباسات كلهم هو ممكن يلحق جزء كبير من كعكة مشروع التاكسى وفعلا هو اتفق على تصنيع العربية فى مصر وهيبدأ الانتاج فى شهر يناير القادم وهيبتدى يسلم غالبا ان لم تخننى الذاكرة فى شهر مايو او يونيو لكن طبعا كلكو فكرتو فيها على انها الملاكى لكن هو مش باصص للملاكى وده من سياق كلامه لان عنده عربيات كتير وموديلات كتير والعربية غالبا تمنها لن يقل عن 100 الف ومش هيزيد كتير لان كلهم سواقين يعنى علشان القسط ميكبر ش عليهم والشكل هيختلف اختلافات بسيطة و ده وجهة نظرى بناء على الفولكس الخنفسة اللى اعيد انتاجها من حوالى 8 او 9 سنين وشكلها متغيرش كتير لكن ممدوح قال ان العربيه هيبقى فيها جميع التجهيزات الحديثة باور وسنتر وموتور قوى لكن لن يزيد عن 1600 علشان التكاليف اما حكاية المتانة فيجب ان نقول للجميع انسو هيبقى زيها زى اى عربية حديثة يعنى جسم بلاستيك وموتور جبار اما حكاية تصفيح وجسم قوى ودعامات معرفش ايه اللى بيقولو عليها فى الاعلانتا ده كلام فارغ بينصبو بيه على الناس وانا شخصيا لم اجد سيارة متينة الا الجيب الشيروكى والهامر والباقى بلاستيك بما فيهم المرسيدس واالبى ام دبليو وان كنت سمعت مجرد سمع ان السوبارو جسمها قوى لكن مشفتش ومعرفش اخيرا اشكركم جميعا ويارب اكون افدتكم