[wael890610]

اولا انت لسه ما تعرفش صنايعيه شاطره
يعنى هايطلع عينك عبقال ما تلاقى حد فاهم ونظيف (يعنى اللى يشتغل وراه ما يتعبش)
ثانيا المصنعيه فى مصر جزافيه وممكن تقع فى ناس نصابه ياخدوا منك قطع الغيار ويبدلوها ولو مابدلوهاش ممكن تقع فى صنايعى مش فاهم يخرب الدنيا او صبى الصنايعى اللى بهدل عربيه ابن خالى وغرمه طقمين دبرياج كامل فى اسبوع
وفى الاخر لو لقيت ميكانيكى وبتاع كاربراتير وبعديه كهربائى وبتاع ريداتير وبتاع عفشه وسمكرى وسروجى وبتاع باب وازاز وطلعوا كلهم محترمين وفاهمين وحضرتك واقف على دماغهم طول اليوم لغايه ما يخلصوا الشغل بتاعهم يبقى اكتب اسمائهم فى المنتدى لان كل اللى فى المنتدى وبقالهم سنين فى موضوع العربيات طالع عينهم من قله فهم الميكانيكيه او الصنايعيه اللى معاهم .
ارجوا ان اكون وضحت الفكره .