[الدكتور محمد]

إخوتى الأعزاء

أخبركم بأخر تطورات الموقف فى العربية

سافرت فى عمل إلى ملوى بالمنيا فجر الأربعاء وعدت بعد العصر يوم الخميس الماضيين

الخنقة موجوده وضايقتنى جدا فى السفر عند بداية الطلوع بعد التهدئه لأى مطب أو كمين

العربية إتكتمت لمسافات طويلة ولا يوجد سحب

المشاكل دى ذهابا وعودة

المهم إنهارده أنا قلت أجرب نصائح الزملاء فى موضوع ضبط خلوص البوجيهات الثلاثة شمعه على 30 بالفيللر وأشوف النتيجة، كده كده البوجيهات موجوده معايا ومش هخسر حاجة ولومنفعتش هرجع البوجيهات الواحد شمعه كما كانت.

قفلت الخلوص شوية على الفيللر (30) وقمت بالتركيب والتقفيل وجربت الدوارة دارت، جربت السيارة لمسافة بسيطه حوالى 5 كيلو متر مع التهدئه وتعمدت إنى منزلش بالغيار إلى واحد، ولكن أخدت المطبات على الهادى جدا والغيار على الثانى (مفيش خنقه)، جربت نفس الحكايه والغيار على الثالث (مفيش خنقه).

غدا إن شاء الله سيتم الأختبار الحقيقى فى المشكلتين الأساسيتين:
1- الدوارة فى الفجر وهل ستعود للتأخير أم لا
2- السحب على الطوالى

وسأوافيكم بالنتيجة إن شاء الله غدا صباحا بعد وصولى إلى العمل (المسافة بين بيتى وعملى حوالى 40 كيلو) يتخللهم ليس أقل من 15 مطب صناعى ما عدا محور 26 يوليو فقط بدون مطبات (جوالى 14 كيلو)