[adham.com]

المشاركة الأصلية كتبت بواسطة ahmed_eng2001 ان كان و لا بد ..... حط المسمار ال 13 ... و ان منفعتش جرب توسع الفتحات و بصراحة انا مش عاجبنى الحلين

المشاركة الأصلية كتبت بواسطة mr_astra فى حل سهل وناجح بنسبة كبيرة لو رحت عند درش بتاع الزوايا ....الراجل دة عندة مكبس هيدروليك يبقى والعربية واقفة على مجرى ظبط الزوايا بيشوف المقاس على الجهاز وبناء علية بيحدد نسبة الميول وتصحيحة هايكون كام سم بيجيب الزرجينة الهيدروليك وبيعدل الشمعدان نفسة بالمساعد بيخلية مستقيم وبياخد فى القصة دى 60 جنية لكل عجلة او تشيل الموتور من الحوض وتعدل الشاسية (تقفلة ) وترجع الموتور تانى الوضع اللى عندك هو الاقل ضررا لان الكاوتش مايل من تحت للخارج ودة تاثيرة ان الدركسيون بيكون تقيل شوية والسحب ضعيف شوية وممكن الكاوتش يتاكل من الحرف بتاعة تجاة الداخل انما لو الوضع معكوس فهو بالغ الضرر هتلاقى الدركسيون خفيف زيادة عن اللزوم ... لكن العربية بتعوم بشكل مخيف وبتفقد السيطرة على العربية سواء فى الطوالى او مع الفرملة انا لو منك هاروح اعمل زرجينة للشمعدان مش هاشيل المكنة

كلامك منطقي بخصوص إن المشكلة اقل ضررا من أن تكون العكس

و لكن ليا تعليق لا أعلم إن كنت علي صواب أم خطأ

أنا جربت الزرجينة الهيدروليك من كام سنة و حسيت بتحسن و لكن ليس لفترة طويلة

و عادت المشكلة كما كانت عليها من جديد

المشاركة الأصلية كتبت بواسطة Hisham.Elgazzar فعلا زرجنها من تحت وكإجراء وقائى تدعم القنطرة من تحت وفوق كمان من عند بطاحات المساعدين ب شدادين عمولة وياريت يكونوا برجلاش تبقى كده عملت الصح تحياتى لكل المشاركين

دة تفكيري فعلا .... ان الزرجينة الصحيحة هي الحل الأنسب و الشدادين كمان

المشاركة الأصلية كتبت بواسطة amr elsisi 1 من الاخر هيا حلها زرجينة روح لبتاع زوايا واسالة عندة زرجينة ولا لا هيا عبارة عن قرص بيتربط مكان العجلة وبيخرج بستم هيدروليك يعدل الشمعدان وانتهت المشكلة

حاسس إنه مش حل دائم

المشاركة الأصلية كتبت بواسطة amr elsisi 1 شيل من دماغك الي انت عاوز تعملة دة بتاع المسمار الحشر او التوسيع خليك برنس في عربيتك

هو انا بقالي سنتين شايل دماغي مش المشكلة دي فعلا
و لكن كل الخوف من الفرملة المفاجئة و عوائدها لقدر الله

المشاركة الأصلية كتبت بواسطة eslamafify انا عن تجربة بلاش موضوع الزرجينة ده لانك مع مطبين تلاته هتلاقى المساعد رجع تانى لا وبزادة لان الزرجينة هتضعفه اصلا والعربية هتتضبط معاك تمام وفل الفل بس اسبوع او اسبوعين ولو انت مشيك مش كتير قول يا عم شهر الزرجينة عالمساعد انا بشوفها حل مؤقت لو واحد رايح يبيع وبيلبس العربية لحد مش لواحد بيركب وفى الحالتين انا مبحبهاش شوف ايه الى فتح العجل واقفله من الشاسيه وبعد كده شداد تمام وانسى الكلام ده عشان كل الحلول بعيدا عن انك تصلح المشكلة نفسها دى عاملة زى المسكنات فترة وهترجع وهتضعف وتزود المشكلة اكتر لما ترجع والله اعلى واعلم

انا بحاول ابتعد عن الحلول المسكنة ... عايز اجيب المشكلة من جذورها

المشاركة الأصلية كتبت بواسطة حمدى مخترع مانيوال بدون د اعمل زرجينة عند البطاحات وافتح من فوق واعمل فلنشتين بتلت اخرام وركبهم على البطاحات والحم ما بينهم مصورة محملة بوصة مثلاا ومش هتفتح تانى من تحت

الزراجين حل مناسب
و لكن الفلانشات هل بتبقي بين طنبورة الفرامل و الجنط ... يعني بتخلي الجنط خارج لبره بقاس 1 سم مثلا ... مش كدة و لا أنا فهمت غلط

المشاركة الأصلية كتبت بواسطة romeoalmansour انا راي تسيب كل حاجة زي ماهي والله اعلي واعلم

أنا فعلا من الواضح إني هسيب المشكلة كما هي علي حالها
أو بمعني أخر مش هرمي فلوس في تجارب مثلا قد تكون مؤقتة


انا عندي شك تاااااااااااااااااني خالص قد يكون سبب رئيسي في المشكلة

عندي إحساس إن العيب من السوست (اليايات)

حاسس إن في ياي أضعف و أطري من الياي الأخر ... و هو سبب حدفة الفرامل علي حد علمي

اليايات لو إشتريتها جديدة مش هتخصر ... أو بمعني أخر مش هزعل علي إللي هدفعه فيها

و طبعا أنا عندي جوز المساعدين جوداد اساسا (مونرو)

إيه رايكو في تغيير اليايات و تجربة السير لمدة شهر و أشوف النتائج