[Marlborooo]

الحمد لله علي سلامتك

انا لسه حاصلي موقف قريب من بتاعك امبارح

كنت رايح انا ووالدي نزور شخص( في منطقة لبش شوية)علي الساعة 12 بالليل وانا كنت مستنيه في الشارع وواقف جنب العربية و العربية مفتوحة ولقيت تلات عيال شاربين لما معميين واقفوا قريب من العربية وقاعدوا يتكلموا ويبصولي (حسيت اني هيتعمل معايا نمرة المهم حددت اماكن الطوب القريب مني هههههههههه احتياط ) لقيت عيل منهم طلع علبة امواس ووزع علي الاتنين اللي معاه و لقيته جايلي بيقولي : عايز ابص علي حاجة جو العربية ورايح علي باب العربية اللي انا واقف جنبه ههههههههههه منتهي البجاحة

طبعا كان ردي التلقائي : ***** نعم عايز ايه؟

الواد راح معدل كامه وقايلي :بعد اذنك اخويا عايز ابص علي وشي في المرايا هههههههههه(جاب ورا)

قلتله بص ،، راح متفرج علي وشه في مراية العربية الجانبية و راح ماشي راح للعيال اللي معاه ومشوا


اللي استنتجته بعد ما مشي انه كان بيبص علي طابلوه العربية لو فيه موبايل ولا اي حاجة غالية بس لما ملقاش لقي ملهاش لزمة نمسك في بعض

الدروس المستفادة متسبش موبيل او شنطة او اي حاجة تلفت النظر جو العربية حتي لو انت واقف جنبها

الحاجة التانية لو لقيت حد شكله غلط و عايز يعمل نمرة معاك حافظ علي هدووووئك علي قد ما تقدر واتكلم بثقة ومتبقاش زوق في الكلام ولا قليل الادب (خليك جاف في التعامل)