[adham.com]

المشاركة الأصلية كتبت بواسطة romeoalmansour معظم القياسات اللي حضرتك بتعملها او عايز تعملها كنا بعملها في المراكز في الامارات بس بسهولة جدا وبدون ادوات كتير كنا نفك الموتور حته حته ونحط قطع قصدير ونجمع الموتور بالكامل تاني ونربط بربط عزم معين ونفك ثم نقيس تخانه القصدير ومنها نعرف فيه تاكل ولازم ملو وخراطه او تغيير

و الله إنت نجم كبير فعلن
الفكرة بتاعت القصدير دي حلوة اوي و مش مكلفة و بدون أدوات
ماجاتش علي بالي للأسف
و انا خلاص قفلت الموتور بدون ما اعمل الكلام دة .. بإعتبار ان السبيكة لسة حالتها كويسة و رقمها 010 يعني الكرنك إتخرط مرة تقريبا
فتوكلت علي الله و قفلت و دورت و الحمد لله مفيش اي ترزيع في المكنة

المشاركة الأصلية كتبت بواسطة romeoalmansour ملحوظه هامه :- بخصوص جلد الصباب وكمان خرطوم الفايز لو فيه مشكلة من او في الشنبر تلاقي دخنه في خرطوم الفايز - والدخنة دي ملهاش علاقة بجلد الصباب والله اعلي واعلم

معلومة جديدة أول مرة اعرفها و كويسة
فعلن ممكن الواحد يدور الصبح مثلا و يلاقي دخنة و لكن بتروح بعد التسخين و بتمشي عادي خالص
في حالة لو الشنبر كويس أو جديد يعني

المشاركة الأصلية كتبت بواسطة romeoalmansour هنا بقي يظهر السؤال ازاي افرق بين تشخيص جلد الصباب وبين الشنبر

سؤال رائع

المشاركة الأصلية كتبت بواسطة romeoalmansour زي ما قلت قبل كده لو فيه مشكلة من او في الشنبر تلاقي دخنه في خرطوم الفايز - والدخنة دي ملهاش علاقة بجلد الصباب جلد الصباب بيلم زيت عليه عشان كده الدخنة بتظهر اول ما تدور الصبح وتختفي تماما بعد كده اما الشنبر فالدخنة مستمره

إجابة منطقية 100%

المشاركة الأصلية كتبت بواسطة romeoalmansour دا طقم اصلاح Perkins diesel engine ملف مرفق 12749 دا طقم اصلاح محرك Ford ملف مرفق 12750

شكله يفتح النفس في الشغل هههههههه

المشاركة الأصلية كتبت بواسطة romeoalmansour وبالمناسبة العداد دا بيتباع في محلات معدات السيارات - ودا سهل جدا الميكانيكي يستعمله وفي بعض السيارات بقدر احصل علي نسب الانضغاط بجهاز الكومبيوتر - الموضوع دا محدش بيعمله خالص - عمري ما شوفت حد بيعمله خالص - علي الرغم ان الموضوع دا موجود في اجهزتهم ويسهل شغل كتير قوي - انا هسال سؤال وعايز الناس تحاول تجاوبة - لتعم المعرفة - وان شاء الله انا هجاوبة بس بعد معرف رايكو السؤال:- ازاي جهاز الكومبيوتر بيقيس نسب الانضغاط جوا الاسطوانات ، من فيشة كشف الاعطال بدون اي وصلات اضافية؟؟

لست محترفا في الميكانيكا و لكن منتظر الإجابات و المشاركات و أراء المتخصصين برده

المشاركة الأصلية كتبت بواسطة romeoalmansour للكشف علي الرشاشات فيه اختيار مهم لازم يتعمل والاختبار دا بنعمله كتير عشان نتاكد من عمل الرشاشات بدون فك نهائي

هل هي دي إجابة السؤال المقصود !!!!!