مرحبا بك اخي في الله تكررت مشاركاتك معنا ياريت نتشرف باسمك
ثانيا براحة كدا الالماني دائما حرارتة عالية بس احنا بنتغلب علية في مصر
مثلا بنبدأ بالكشف علي الثرموستات الميكانيكي هل يعمل بكفاءة ولا لأ او بنشيلو
ثانيا هل في تثريب ولو خفيف في الدائرة
ثالثا الثرموستات الكهربائي المسؤول عن تشغيل المروحة هل يعمل
ودة في الاوبل في اتنين ثرموستات العلوي سرعتين للمروحة والثاني سرعة عالية فقط
انا ملاحظ من مشاركتك ان الثرموستات السرعتين عندك زو حرارة مرتفعة
هات واحد غير يبدأ(85 الي 90 _ 90 الي 95 ) وشيل الي عندك
انا ملاحظ من كلامك انك لما تشغل التكييف الحرارة بتعلي
ولو ما لاقتش حاجة تركب عندك هات اي نوع زو سرعتين وخلي الخراط يعملك جلبة تركب في الثرموستات والريداتير
اولا مع تشغيل التكييف لازم المروحتين بيشتغلو بالسرعة العالية جرب وقول لي
وياريت تضيف مياة مخصصة للتبريد وياريت تغسل الريداتير من برة بضغط الماء وخصوصا سربنتينة التكييف التي امام الريداتير لانها تعوق الهواء
لو في اي حاجة مش فاهمها من كلامي قول لي علشان فرق اللغة
وجرب الموضوع دة
http://www.masrmotors.com/vb/showthread.php?t=111175