الله ينور يا ريس الايبروم EEPROM و هى اختصار Electrically Erasable Programmable Read-Only Memory
دية بتخزن عليها بشكل ثابت اعدادات البرنامج نفسه بتاع الكونترول و بتكون عبارة عن مخزن غير قابل للمسح بالطرق العادية لبرمجة تشغيل الكونترول بتاع العربية
ارقمها بتحدد سرعة القراءة و سعتها البرمجية " عدد سطور البرمجة اللى بتتحط عليها "
زى مثلا 24c xx او W49 او MDA 27 او STL او غيرها من البدايات التى تكتب على الاى سى
شوف مثلا ده داتا شيت لواحده منهم
http://www.bookly.com/images/24C64-BM.pdf
اما بقى الميكروبروسيور فده معالج قابل للبرمجة بيتم برمجته لأداء مهام معينة و بينفذ سطور برمجية ثابته و بيتواصل مع الايبروم عن طريق اجزء داخلية فى المعالج اسمها ال EEDATA و EEADR و EECON1 , EECON2
الميكروبروسيور ليه مجموعتين اسايتين مجموعة ادخال و مجموعة اخراج بيانات و بيكون فى مجموعة للباور والفريكوانسى و مجموعة للمستشعرات المدمجة
و بيكون في منه عائلات كبرية و كثيرة جدا بشكل لا يمكن احصائه
زى PIC و ال ATML و ال intel و ال AMD و ال ZTS و MOTOROLA و معالجات بقى بالهبل و كل شركة ممكن تنتج ليها معالج على مزاجها على حسب احتياجاتها
ده داتا شيت لنوع من المعالجات مثلا و هو مشهور جدا فى عالم المعالجات لأن مبنى بداخله الايبروم بتاعته كمان بشكل مدمج
http://ww1.microchip.com/downloads/e...doc/35007b.pdf
نيجى بقى لعملية البرمجة و الاستبدال
خلينا نتفق ان المعالج الخاص بشركة معينة لا يمكن استبداله الا بمعالج من نفس الشركة و ملهوش علاقة بموديل العربية لأن الشركة ممكن تطبق نفس المعالج مع تغيير البرمجة ليها علاقة برقم المعالج و بعدين نجيب البرمجة بتاعته من على النت و نقوم بعملية برمجته ده لو بنمشى صح لأسباب تقنية كثيرة جدا ممكن نقعد سنة كاملة نشرحها هنا
الايبروم يمكن استبدالها بأيبروم اكبر منها فى عدد السطور و يمكن تعويض ده بتعديل ملف البرمجة نفسه و تصفير السطور الغير مستخدمة FF و برضو بنجيب البرمجة من على النت او ممكن ننسخها من برمجة لنفس الموديل و لكن الحل بيكون فاشل بسبب تغير الكثير من الاعدادات من عربية لعربية
عملية البرمجة تتم بفك القطعة و ربطها الادابتر المناسب للتعليبة بتاعتها و تركيبها على كرت برمجة و ربط الكارت بالكمبيوتر و تشغيل البرنامج و تحمليها بملف البرمجة
الكروت دية فى منها ملايين الانواع فى السوق لكن انا بفضل نوع EZO و OMEGA و ده عندى بكل ادبتراته و عندى كارت تانى للميكروبروسيور
لو حد واجه مشكلة و مش لاقى كرت البرمجة يقولى و انا اظبطه بأذن الله
و لو حد محتاج ايبروم او ميكروبوسيور يقولى و اعرفه يجيبه منين او اشوفهوله عندى ده جيش الميكروبروسيور و الايبروم اللى عندى بستخدمهم فى مشاريع كتير و اللى عاوز حاجه تحت امره
