[abdohtaby]

السلام عليكم ورحمه الله وبركاته

كنت عايز اشتري عربية وفي قدامي 3 عربيات هما :

1- تويوتا كورولا 2007

2- سكوداa5 اوكتافيا 2007 او 2008 او 2009 على حسب ما الاقي

3- لانسر بومه 2013

فكنت عايز اعرف انهي عربية احسن وتستحمل واعاده بيعها كويس وسهلة وقويه ومتينه ومصرفش عليها وتستحمل الطرق المكسرة وشيك واوبشن كويس

1- نيجي لاول عربيه الي هي الكورولا عجباني ليه..... اقولكم ليه :

عربيه جميله وياباني تقفيل ياباني وليها سمعه وسهله في البيع وماسكه سعر وواسعه وتكيفها كويس اوي وعربيه من الاخر كويسه وتستحمل وعاليه عن الارض مش قوي يعني ومش مصفحة .

2- تاني عربيه الاوكتافيا :

عربيه جميله اوي اوي وشيك جدا جدا وتقيله وقويه وتستحمل والماني وليها سمعه كويسه واوبشن ملهوش حدود كل حاجة فيها اوبشن كتييير اوي وجميل وتقعد فيها تحس بالفخامه والتابلوه شكل جميل جدا هي عربيه واطيه ماشي بس مصفحة من تحت من الاخر عربيه جميله اوي فيها عيب هو ده الي مخليني متردد اني اجيبها هقوله دلوقتي .


3- الانسر بومه:

ودي انا لاغيتها اساسا علشان لاقيت نفسي هدفع 133 الف في عربيه فاضيه مفيهاش حاجة .



1- الي مخليني متردد اني مشتريش الكورولا انها عربيه تعتبر فاضيه بالنسبه للاوكتافيا ومش بنفس فخامه الاوكتافيا .

2- الي مخليني متردد من الاوكتافيا اولا وده الي قالقني جدا عيوب في الفتيس انا مش عارف ايه هي بس بيقولوا عيوب خطيرة جدا جدا والعيب التاني التكيف ضعيف مش زي الكورولا انا عايز اعرف ايه هي العيوب دي وهل ليها حل و الله اعلم من اعاده بيعها هل زي الكورولا ايه رايكم ؟




انا طالب من حضراتكم انكم تقولولي رايكم علشان رايكم يهمني جدا ضروووووري انهي عربيه احسن كورولا ولا اوكتافيا وجاوبوني على سؤالي في الاوكتافيا ضروري .

انهي عربيه احسن من حيث الحاجات الي انا قلتهالكوا في الاول خالص الي هي تستحمل واعاده البيع ............والخ الخ الخ كله مكتوب فوق .

ضرووووووووووووووووووووووو ووري

انا عارف انه مش وقته احنا في ثورة بس خلاص بقا كفايه كده مرسي انعزل وخلاص وان شاء الله ربنا يحمى مصر ويحفظها ويحمى شعبها

(وانا تقلت عليكم جدا جدا هاريكم اسئله بس معلش استحملوني لحد ما اشتري)

الف شكر لاحلى منتدى واحلى اعضاء