[YahiaAshraf]

انا بالنسبة ليا الحرامي اللي ممشي البلد احسن من الشريف اللي مش عارف يحكم البلد

اذا صلح الراعى صلحت الرعية .......على كده يبقى الشعب كله حرامى و ربنا عمره ما هيصلح حال شعب حرامى

ايوه بس في مناطق لسا الميه والكهربا بتقطع فيهم

ماهى واحده واحده يا شريف مش معقول الكهربا او الميه هتتصلح لمصر كلها فى وقت صغير كده

يا يحيي المشكلة في الكوبونات مفيش بنزيييييين يعني انا اروح بالكوبون بتاعي ومش هلاقي بنزين اصلا

بلاش نسبق الاحداث نستنى لما نظام الكروت يتفعل كمان شهر ولا حاجه وساعتها نحكم

والله دي مسئولية الرئاسة ولو الكلام دا كان موجود كان هيتعلن عنه

طب بالله عليك يا شريف التابلت المصرى او ما نزل حد من الاعلان اتكلم انا عن نفسى عرفت من الفيس بوك
وكذلك مصنع سامسونج اللى اتفتح فى مصر حد اتكلم عليه اول ما نزل انا برده عرفت من الفيس بوك

مش معني ان الناس دي بتعارض مرسي والاخوان ان نقول عليهم منافقين والكلام دا وممكن يا يحيي تديني مثال على الاشاعات اللي قالوها ؟؟

انا لو قعدت من هنا لكمان 5 سنين اجمع فى نفاقهم و كذبهم صدقنى ما هقدر ده اعلام فتنة شوف كل واحد بيقبض كام بالملااااااااااين علشان كده خايفين الا بيوتهم تتخرب و كله بيجى على راس المواطن الغلبان

وفيها ايه ؟؟ حتى لو انتا يا يحيي كنت من الاخوان فيها حاجة ؟؟ مينفعش كل الناس تبقا معارضة ومينفعش كل الناس تبقا اخوان

فعلا مينفعش كله يبقى معارض و كله يبقى مؤيد و لكن فيه حاجه اسمها معارضه باحترام اخر خبر سمعته فى كفر الشيخ تكسير جميع محلات الاخوان و حبسهم فى مسجد طب ده كلام و كذلك فى كثير من المحافظات

فيها انى بقول كلمة حق مش لازم ابقى اخوان علشان ادافع عنهم

ايه الروعة فيها ؟؟ الروعة فيها ان الزمر يطلع ويقول سنسحق المعارضين الروعة ان البلتاجي يهين الجيش وجمال عبد الناصر الروعة ان الناس تقعد تشتم في شيخ الازهر الروعة اننا نسمع اتهامات بالتكفير والنفاق للمعارضين

ولما الاقى المعارضين بيكسروا و يخربوا فى البلد يبقى اسمه ايه ؟ وبعدين الزمر لما قال هنسحق المعارضين هو مش مجنون يقول كده لو المظاهره سلميه عادى مش هيحصل حاجه لكن قلة ادب من المعارضة وشتيمه فى الاخوان وتكسير و ما الى اخره يبقى طبعا مش هيسكتوا و بعدين معلش مش كل المعارضه الى موجوده معارضه حقيقية ده معظمهم بلطجيه ماجورين من قبل النظام السابق بديلي بتلاقى واحد فى اعدادى وماسك مولوتوف و عمال يضرب بالله عليك ده يبقى اسمه معارض برده