[aymangalal]

المشاركة الأصلية كتبت بواسطة AbOnOrA طبعاً الموضوع المشار اليه ثرى بتجارب الاعضاء القيمة لكن مازلت شايف ان كلها طرق ممكن تكون مؤذيه لنظام التبريد وخاصة الاجزاء الكاوتش او الاجزاء من الدورة اللى جوة الموتور نفسه

والله انت حيرتنى يا عم وائل... فى المشاركة اللى فاتت قولت ان حضرتك بتستخدم الميه العادية مع مزيل صدأ مرتين تلاتة فى السنه ... وبعدين ان دى كلها طرق ممكن تكون مؤذية لنظام التبريد ... هاو how
مع ان الغرض هو الحفاظ على نظافة نظام التبريد ... لان فى الطبيعى عندنا الميه مش نقية اساسا ده غير ارتفاع درجة الحرارة المستمر اللى بيكون احد اسبابها اهمال دورة التبريد
بالمناسبة انا كنت مع واحد صاحبى امبارح معاه اوبل كورسا سيدان مو 95 بسم الله ما شاء الله العربية عيل من عيالة 100 فل و14 كان عند بتاع الرادياتير بيغير الميه والصنايعى نصحة بميه مش فاكر اسمها لونها ازرق عبوة بيضاء 1.5 لتر بـ 45 جنية ومش بتتباع غير عند محلات المرسيدس فقط لان مرسيدس موصيه بيها وبتعتبرها من ضمن مستلزمات سيارتها طبعا الصنايعى نصحة بها على الرغم من غلوها وقاله مش خسارة فى عربتك اولا لانها متصانه ثانيا لانها المانى يعنى زى المرسيدس والغريب ان المياه كان فيها شىء بسيييط جدا من اللزوجة يعنى تقيلة سنه عن الميه العادية او الخضراء والحمراء حتى .. واعتقد انها فعلا كويسة نظرا لا شركة زى مرسيدس بتوصى بيها فى عربياتها
عندى استعلام بقى بخصوص الـ 50:50 اللى حضرتك ذكرتها دى نسبه ايه بالظبط ...
وكمان فى الصورة الموجودة فى المشاركة بتاعة دور التبريد فى خرطزم اخضر رايح على heater core
هنا فى مصر " طبعا انا ماجربتش لكن بسمع" ان الوصلة دى احد اسباب سخونة العربية لانها بتاخد ميه سخنة "على اسا التدفة فى البلاد الباردة" وترجعها تانى فا ده بيسخن العربية بزيادة واللى اعرفة ان الناس بتطبب"تعمل طبه او تقفل" الوصلة دى وبالتالى السخونة بتقل ده عن تجارب الناس اللى عملت كده
ده صح ولا غلط؟؟