[أحمد سلامة]

المشاركة الأصلية كتبت بواسطة sh_masry استاذ احمد .... طبعا انا كنت واقف معاك لما سمعت من م/محمد بيومى الكلام ده ... بس للأسف ماكنش عندى وقت ارد عليه و عموما هحاول اشرحلك انى مش مقتنع بالكلام ده ليه .... اولا انا بنفسى بشترى قطعه الغيار الأصليه من بره (مثال سير الكاتينه و تيل الفرامل من عند نافع اللى فى شارع دمشق) و بدخل فى توكيل هيونداى اللى امامه على طول و اقوله لو سمحت طلعلى القطعه الفلانيه (السير و التيل) و اشوف هل هوه هوه نفس التغليف وللا لأ و اشوف القطعه بنفس الأختام و لا لأ و بعرض الأتنين قدامى على الكاونتر و ابص على السير ده و ده ...... قولى بقى لو الأتنين مطابقين فى نفس العلامات المائيه و التغليف و الماده المصنعه و كل شئ و كمان يأكد ليك اللى واقف فى التوكيل انهم اصلى و ان نافع برده شاريهم من غبور بس نافع بياخد نسبه خصم كبيره علشان كده بيبعهم ارخص من التوكيل .... يبقى تقتنع انهم اصلى وللا لأ ؟؟؟ و بعدين نسبه التخفيض مش زى ما انت كاتب من 350 الى 30 ..... يعنى التيل مثلا الأصلى عند نافع عامل 150 جنيه بس فى التوكيل 250 و دى نسبه مقبوله لأن التوكيلات اساس مكسبها فى قطع الغيار عالى و بعدين التوكيل فى اى حته فى الدنيا اغلى من التجار علشان التجار تشغل محلاتها و ده كلام معروف على مستوى التجاره ان صاحب التوكيل بيعمل خصومات كبيره جدا للتجار علشان تسوق بضاعته و هو يبيع و التاجر يبيع و كل هم التوكيل التاجر اللى بياخد مئات القطع مش العميل اللى بياخد قطعه قطعه .... و اللى عايز ال .... ما يقولش .... و ده منطق التوكيل المضروب بيبان ماقولناش لأ .... لكن الأصلى برده لما تقارنه بأصلى زيه مابتلاقيش فرق !!! مش كده برده ؟؟؟

على فكرة كل كلام حضرتك صحيح .... 100 % ..... لان كل دة كان بيحصل معايا فى توكيل منصور وكنت باعيش الحالة النفسية بتاعت ان مش ممكن يكون فرق السعر كل دة وان دة اصلى ودة مضروب والكلام الكتير دة .

لغاية ما اتعرفت على صديق بتاع قطع غيار أكتشفت انة فعلا بيشترى غالبية قطع الغيار من التوكيل وباسعار رخيصة جدا ( خصم عالى ) يقدر بيها يبيع بالاسعار المنافسة للتوكيل نفسة