[tham1010]

المشاركة الأصلية كتبت بواسطة eljazeera77 كويس كلام جميل والله انا لا اؤيد الرئيس كشخص انما انا اؤيد القواعد الشرعيه الى ييجى بيها او يمشى بيها الرئيس حفاظا على البلاد مش على مرسى او غيره بس الاخوه الطرف التانى مش عايزين يفهموا وجهه النظر دى لو اتعملت انتخابات قادمه بس تكون دستوريه مش اخلع يا جدع وبعدين قلولى مين البديل يقولولك يبقا نشيله وبعدين ربنا يحلها وقتها لو فالانتخابات الجايه والله والله ما هنتخب مرسى لو اترشح تانى مش هنتخبه لكن يكمل الفتره بتاعته علشان الى بعده يكمل فترته برضو ومحدش يعمل بلبله يا جماعه البلد محتاجه استقرار هو ده بيت اتلقصيد مش اصل انتا اخوان وكلام كده يعنى بيخليك متأكد ان البلد دى رايحه للهاويه من فكر بعض الى فيها وما دام الناس المعارضين وبتوع تمرد اغلبيه كده وعندهم القدره على جمع الملايين ما الانتخابات جايه وشكلوا حكومه بس افتكروا المشاكل الى البلد فيها هتتحل ولا لا

أخيرا اتفقنا يا جدع. انا برضوا مش مع شيل يا جدع واخلع يا جدع. احنا مش عوزين اكثر من انتخابات رئاسية مبكرة مش نستنى 3 سنين كمان مع الراجل دة. وينزل اللى ينزل بقة حتى ولو خيرت الشاطر ولا غيرة وننتخب من جديد واحد تانى يمكن ربنا يجعل فى وشة القبول ويجى يجمع الناس اللى مرسى فرقها.

انا زيك ضد شغل اخلعة وحاصرة فى الاتحادية واقتله وشغل الافلام دة. احنا عوزين شغل ديمقراطية والحل هو أنتخابات رئاسية مبكرة. يعنى بدل ما نصرف الفلوس على انتخابات برلمان جديد احسن نستخدمها فى انتخاب رئيس صح المرة دى.

هسالك تانى// هل حضرتك تؤيد إنتخابات رئاسية مبكرة أن تريد ان يبقى مرسى بهذا الوضع لاربع سنوات لحد ما يخلص مدته ويخلص علينا بالمرة؟