رد: رابطه مالكي بيجو 305
انا هاقولكو علي حاجة جميلة في عربيتي علشان لو حد عايز يعملها
الكوبلن بتاع 305 الاستيراد سعره تقريبا الواحد 450ج يعني الـ2 يعملوا 900 ج غير المصنعية
انا ربنا كرمني بعفشجي عمل تعديل للكوبلن مجنون ومافيش حد مصدقه غير لما يشوفوا
الموضوع بالظبط
بيجيب كابالن 128 صيني بـ110ج ويوديهم لواحد بيقطع راس الكوبلن ويلحم راس كوبلن البيجو وبكده بركب عندي
طبعا حد يقولي طيب ما الموضوع مش مجزي ماديا وايضا في الكفاءة
اوك نحسبها
الكوبلن كامل بـ110ج ومصنعيه تقريبا 100 كمان بالفك والتركيب
يعني ماديا 210 ج تقريبا
نيجي بقي لموضوع الكفاءة
طبعا عيب الكوبلن بتاع البيجو زي اي كوبلن تاني انه بيبوظ بسرعة وبيطقطق
طيب لو جبنا الاصلي اللي بـ900 ج اقصي مدة ممكن يعيشها قبل ما توديه لبتاع كبالن علشان يصلحه قد ايه سنتين مثلا
طيب اوك
نتفق الاول ان الكوبلن بيختلف من شخص لاخر بمعني ان في واحد بيصلحه كل سنة وفي واحد بيصلحه كل 3 سنوات يعني بردو المتوسط سنتين علي حسب مدي حفاظ السائق علي سيارته
طيب هايكلف بقي كام كل مرة تصليحه
طيب لو قلتلكو ان الكوبلن ده بيعيش معايا تقريبا اكثر من سنة ونص وبعد كده بروح اغيره خالص واعمل نفس الموضوع من جديد يعني لو حد بيحافظ عليه اكتر مني ممكن يعيش سنتين لو معاه نفس مواصفات عربيتي لاني مركب عليها 4 جنوط سبور مقاس 14 ومن غير ما اعدل الطنابير يعني جنط 3 خرم مخصوص لها غير اني ساكن في منطقة عين شمس يعني الشوارع مكسرة
يبقي 200ج كل سنتين اوفر من 900 لمدة 3 سنين وارجع اصلحهم
انا ب 200 ج بركب جديد
لو حد عايز يجرب او يتاكد يقول وانا هاساعده ان شاء الله
|