[ابو ريناد]

والله يا جماعة انا فعلا زهقت من العربيات ومن الصنايعية اللى معندهاش ضمير وميفهموش حاجة فى الشغل وعمالين ياخدوا فلوس وخلاص
المهم انا هقلكوا على المشاكل اللى عندى وانتوا شخصوا العطل

اولا فى ضرضرة جامدة من اول التالت فكيت عمود الكردان وغيرت الصلايب وكرسى النص ونفس القصة موجودة

ثانيا صوت المكنة عالى هيا تقريبا كده التاكيهات وحشة المهم انا مركب كربراتير استيراد بتاع لادا هل ده ممكن يأثر وهل التاكيهات دى بتتغير والا هغير النص اللى فوق كله؟؟

ثالثا الفتيس بيعض على الغيار الاولانى ساعات من الثبات وعلى طول لما اجى اخد مطب امور واجى اجيب الاولانى يعض طبعا انا باخد الغيار والعربية فعلا على سرعة الاولانى مش بكون بجرى يعنى

رابعا لما كون ماشى مثلا على اى غيارواسيب رجلى مرة واحدة من على الاكسراتير ( انا عارف ان ده غلط بس انا بجرب حاجة ) احس ان العربية نتشت لورا جامد جدا كانى سقط غيار

خامسا واخيرا لما اخد اى غيار واكون بدوس بنزين بالراحة العربية تتنطط منى خصوصا على التانى مع العلم ان العربية مش بتاكل بنزين فهل ممكن تكون البكات ضيقة ؟؟ وهل هيا بتوسع مع المشى؟؟

هل الضرضرة اللى عندى دى ممكن تكون من (الكرونة - اكس - كاوتش معووج) ؟؟؟
واخيرا العربية 124 سبيشيال وشكــــــــــــــــــرا جزيلا يا شباب واسف على الاطالة بس ارجو الرد سريعا عشان رايح للميكانيكى النهارده وعاوز افهم عشان هوا او غيره مش فاهمين