صوت نحر متقطع من العجلة اليمين
أخوانى الاعزاء...
العربية ماتركس من يوم ما جبتها فيها عيب مش عارف سببة. العيب انى لما اكون ماشى بسرعة عادية 30 او 40 كيلوا فى الساعة. وبأخد مطب صغير فى الارض او يكون الطريق مكسر اجد فى صوت نحر زى صوت السكين لما بيتسن على حجر او صوت مكنة قطع الالمونيوم. صوت احتكاك معدنى. الصوت مش بيكون عالى ومزعج ولكن مسموع. الصوت بيختفى بعد ثوانى او دقيقة على الاكثر ولا يظهر ثانية إلا لو عديت على مطب تانى او أخد هبده على طريق غير ممهد. الصوت من الفرد اليمين امامى فقط. ساعات اخد مطب فالصوت يظهر وبعدين مطب تانى بعده بثوانى فالمطب الثانى يخلى الصوت يختفى. ساعات الصوت بيظهر لما اضغط فرامل مفاجاة مثلا الفرامل الهادئة على طريق مسفلت مش بتعمل الصوت دة.. انا غيرت تيل الفرامل من فتره قريبة جدا وكنت فاكر التيل السبب ولكنه لم يكن هو السبب ولكن الصوت بقى مش عالى قوى زى الاول وكمان الصوت مش بيستمر كثير زى الاول قبل تغير التيل.ساعات بمر على مطب والصوت مش يظهر، يعنى مش مع كل مطب. التيل القديم كان فية اكثر من ربعة لما غيرته. التيل الجديد من نوع جولد Gold وهو كورى وكان ب 60 جنية باين...
يعنى بإختصار// الاحتكاك دة بيحصل فى اى وقت أثناء السير فقط. ويختفى فى اى وقت وبيستمر ثوانى او دقيقة بالكثير والصوت مش عالى قوى وفى عجلة واحدة بس والعربية يقلها معايا 3 سنين والحركة دى زى ما هى يعنى لا بتزيد ولا بتقل.
هل من نصيحة.....
|