رد: مالفرق بين الموتور 22r والموتور 3y ومن الافضل
ألف مبروك على الموتور.. وربنا يباركلك فيه
أنا عارف إن الكلام اللي هقوله ده متأخر... بس للأسف ما شفتش الموضوع إلا دلوقتي
الموتورين من إنتاج تويوتا... ويعتبروا من أكتر مواتير تويوتا انتشارا في سياراتها المتوسطة، وكانوا بينتجوا في فترة الثمانينات والتسعينات
الموتورين متشابهين جدا من ناحية التكوين الأساسي، هما الاتنين 4 سلندر - كامة واحد علوية - 8 صمامات - كابراتير (ممكن نلاقي موديلات حديثة من الـ22R كانت أنجكشن)
فيه منهم كذا فئة وقوتهم تختلف بنسبة بسيطة حسب التعديلات
الاختلافات الأساسية:
موتور الـ22R سعته 2400 سي سي، إنما الـ3Y سعته 2000 سي سي
موتور الـ22R تقسيمته على كاتينة معدنية... إنما الـ3Y على سير كاوتش
موتور الـ22R قوته حوالي 110 حصان عند 5200 د.د.، وعزمه حوالي 180 نيوتن.متر عند 3400 د.د
موتور الـ3Y قوته حوالي 90 حصان عن حوالي 4800 د.د ، وعزمه حوالي 155 نيوتن متر عند 3400 د.د
السيارات المستخدم فيها الموتورين:
الـ22R: كريسيدا (سيدان متوسطة) - سيليكا (سبور) - هايلكس (نصف نقل) - داينا (نصف نقل جامبو)
الـ3Y: هاي إيس (الميكروباص) - لايت إيس (ميكروباص أصغر) - هايلكس (نصف نقل) - داينا (نصف نقل جامبو)
من ناحية الأداء..
واضح طبعا إن الـ22R أقوى ... بس صوته أعلى بدون شك، واستهلاكه للبنزين أكبر
من ناحية الأعطال وكفاءة التشغيل...
الموتورين من أكثر مواتير تويوتا اعتمادية على الإطلاق،
وعن تجربة في مواتير شبيهه، لإن كان عندي في الكريسيدا موتور الـ21R (الفئة الأصغر الـ2000 سي سي)، وأول مرة عملت عمرة للموتور كان بعد 340 ألف كيلومتر، ويكاد لا يوجد أعطال عدا الصيانات البسيطة جدا، ومعظم الأجزاء اللي اتغيرت فيه قبل العمرة ما كانتش جوه الموتور نفسه (رداخ أو طلمبة زيت أو كلتش مروحة أو دينامو) وكلها اتغيرت بعد أكتر من 20 سنة من التشغيل المتواصل.
...
|