[ahmedibeza]

السلام عليكم
بص يا باشا فى فرق بين الترزيع والكبس
الترزيع بيحصل لما النص التحتانى من الموتور يحصل فيه حاجه بمعنى ان عمود الكرنك والهلالات بتاعته مش محكومه 100% على البيلات اللى هى دراعات البساتم فيبقى فيه رجه فى الموتور وهنا بتحتاج عمره فى النص اللى تحت بتغيير الهلالات وممكن تحتاج تخرط او تشترى بيلات جديده
اما بالنسبه لميه الشكمان بتحصل ان يكون غرفه الحريق كبسها ممتاز ومفيش تسريب وبيكون البنزين متكسف جوه الغرفه فلما تيجى تدور الصبح خصوصا وفى بعض الاحيان فى اى وقت بعد ركنه لفتره مش اقل من يوم وطبعا بتظهر قوى فى الجو البرد المهم بيحصل تكثيف لبخار الميه الناتج من احتراق البنزين المتكثف وبينزل من الشكمان وبيكون عباره عن رذاذ خفيف لانه لو الميه تنقيطها زاد يبقى فى مشكله والميه بتنقص عندك ودوره الميه داخله على غرف الحريق يعنى جوان وطقم شنبر لا قدر الله
الخلاصه كبس الموتور وتكثيف الميه يعنى طقم الشنبر و جوان وش السلندر تمام ده فى حاله ان الميه مش بتنقص نهائى من القربه
الترزيع يعنى محتاج تحل من تحت وتشوف البيلات ملسوعه ولا لا ودى لازم تحل عشانها النص التحتانى مشكله الترزيع انه بيزيد لو سبته وبتقرص على العربيه وممكن يبوظ النص التحتانى كله
نص العمره مبيتكلفشى كتير بس خليك مع حد فاهم من بتوع صقر قريش
بالتوفيق يا صاحبى ارجو انى اكون افدتك
انا ابيزاوى على فكره بس ناوى اغير لاكورد ان شاء الله