رد: افيدوني انا محتار افيو هاتشباك او بروتون برسونا
استاذى الفاضل انا كنت هاشترى بروتون جين 2 ورحت رفعتها في التوكيل واكتشفت انها عربية كويسة جدا من حيث العفشة والموتور اكيد اقوى من الافيو كمان جسمها اقوى كتير لكن انت عايز تركب عربية تحس بفخامتها .. البروتون من الداخل مكوناتها باختصار "رديئة" انا شفت عربية موديل السنة اللى فاتت عاملة 20 الف كيلو والفرش الجلد بتاعها جربان ومشقق وزراير التكييف بتعلق ومكنة الزجاج الخلفى بايظة يعنى كمالياتها ضعيفة جدا وده يفسر سعرها الرخيص وعايز اقوللك ان صاحبها كان هايعيط عشان اشتريها منه أما بقى لما رحت اشوف افيو لاقيت صحابها حاطين رجل على رجل غير إن العربية من جوة (بالنسبة لسعرها) تعتبر فيها فخامة اكتر كتير من البروتون وده يبان من خامات التابلوه والدواخل بشكل عام الافيو عربية محترمة رغم عن أى حد يقوللك غير كده بس هى زى أى عربية كورى عايزة تتعامل معاملة محترمة يعنى ماينفعش السباقات والامريكانى والجرى على الطرق الوعرة أنا شايف إنى لو عايز عربية بريستيج وسريعة وكمالياتها رائعة وسوقها حلو وقطع غيارها ممتازة ومتوفرة وبعدين روشة وشبابية يبقى لازم اختار الافيو وبعد 3 سنين ممكن ربنا يكرمنى واغيرها واجيب حاجة اعلى شوية زى المازدا 3 مثلا عشان كده قررت اشترى افيو زيرو بعد ماكنت بادور على مستعمل عشان عارف إنى بعد ما آخد متعتى منها هاعرف ابيعها من غير خسارة كبيرة عشان انقل النقلة اللى بعدها عربية حلوة بجد ودا رأيى المتواضع يا أخى العزيز ومايغيرش من إن البروتون عربية قوية جدا.
|