[mr vigo]

ياجماعه احزروا النصابين والحراميه لإنهم بيتفننوا فى امور النصب والإحتيال ياجماعه بيدخلوا على المواقع الى فيها سرقة السيارات ويخدوا ارقام التليفونات وارقام الشاسيهات والموتور ويتصل بيك واحد يقولك انه من شرطه مكافحة السيارات ويقولك انا الأمين فلان ويعمل عليك حوار ويتصل بيك من رقم 00 ويقولك انه من جه امنيه وعلى فكره رقم 00 دى قرصنه عن طريق مراكز الإتصالات والكمبيوتر ومسكنا عربيتك فى متارده وهى ممسوكه فى كمين وميجبلكش سيرة الفلوس ويقولك لو عاوزنى ابلغك عن طريق القسم الى انت عامل فيه المحضر وانت من فرحتك تنسى كل شيئ ويشتغلك ويقولك انى لو بلغتك عن طريق القسم هتحش فى حوارات وقضيه والموضوع ياخدله سنه على الأقل وانت من فرحتك تقوله لا نخلصها ودى يقولك انا مش عاوز حاجه ليا ويحلف ميت يمين وهو نصاب وكذاب وبعدين يقولك دى حلاوة الأمناء الى هيعملوا الحضر وانتى توافق لإنهم مش بيطلبوا مبالغ كبيره من 1500 ال...ى 2500 جنيه وطبعنا انت هتقول مفيش مشكله اهو مبلغ بسيط وبعدين يتصل بيك تانى ويقولك بس الناس مش عاوزه تعمل المحضر إلا لما تاخد فلوسها عشان هم مش ضامنين ان سيرتهم تيجى فى القضيه طيب والحل ايه يقولك انا معرفش انا فى مأموريه والله لو انا كنت هناك لهخلصهالك من جيبى الخاص طبعا انت تزداد ثقه به وتشكروا على كل الخدمات والحلول الى بيقدمهالك واتقولوا ايه العمل يقولك مش عارف وبعد شويه يتصل بيك ويقولك انا لقيت حل تقوله ايه هو فى حاجه اسمها شحن مبيعات على الهوا يعنى زيه زى تحويل الرصيد على الهوا ويقولك براحتك لو عاوزنى ابلغك عن طريق المدريه براحتك طبعا وانت من فرحتك تقوله لا انا عاوز اخلص بسرعه وبعد اما تشحنله يقفل تليفونه وينصب عليك اللهم انى قد بلغت اللهم فشهد. ارجوا منكم ان تحذروا كل ماتعرفونه وسرقت سيارته امور النصب كثيره

انا بقه شخصيا كلمني من رقم +122 عشان يأكدلي انه من المديريه ولففني مديرية القاهره والجيزه وهو نصاب