رد: ما هي عيوب اوبل استرا سيدان 2013 (Enjoy)
انا كنت فى حيرتك دي من شهرين كده وسألت كتيييير جدااا و استقريت على الاسترا الحمد لله
و حقولك وجهه نظري ايه مميزات هيونداي و ايه مميزات استرا و عيوب دي و عيوب دي
نبدأ بالاسترا عشان دي اللى معايا
مميزات
1- ساج و تقفيل ممتاز و خامات نظيفه جدا
2- عفشه كويسه و عمرها ما حكت مني فى اي مطب
3- فرامل ممتازه مع ABS , EBD
4- العربيه ثابته جدا مع كل السرعات
عيوب
1- تقيله شويه فى السحب عشان وزنها و طلعتها بطيئه
2- قطع غيار غاليه
3- اعاده البيع ضعيف
الهيونداي طبعا طلعتها اسرع و سحبها احسن و قطع غيارها متوفره و رخيصه بس عيوبها اللى خلاني افضل الاسترا عليها و ده كلام اصحابي اللى عندهم النترا
1- فراملها ضعيفه
2- واطيه شويه فبتحك لو مركب حد ورا
3- مش ثابته اوي خصوصا فى فواصل الكباري و كده
4- فيها مشكله فى موضوع السرقه ... ليه اتنين اصحابي اتسرقت عربيتهم
5- دلوقتي بقي سعرها مبالغ فيه جدا بالنسبه لعربيه كوري
و عموما انا معاك لو محتاج اي معلومات عن الاسترا و ربنا يوفقك للخير
|