[m_o_sakr]

المشاركة الأصلية كتبت بواسطة EgyZizo بالنسبة للعفشة ، ففيه زميل عمل بيها خمسين ألف فى سنة ونصف ، ومازالت عفشتها حديد. وفيه زملاء كتير عدوا 10000 ، وماحدش أشار إلى مشاكل فى العفشة. مفيش اعتراض, ممكن فعلاً بس انا بردو ليا زمايل معاهم العربيه و اشتكو من اصوات كتير مش تمام فى العربيات بتاعتهم و فى منهم كان معاه كورى و بيندمو انهم غيرو , و ده الى حصل معاهم!! ممكن تكون حظوظ،،،،الله اعلم وبالنسبة للأداء و الإعتماديه فانتشار السيارة فى عشرين دولة من كذا سنة بيطمنى من الناحية دى .. وعلى فكرة العربية دى بتنزل فى المكسيك باسم نيسان أبريو ، مش علشان العربيه منتشره فى اكتر من عشرين دوله من كذا سنه و انها بتنزل باسم داتشيا او ريتو او نيسان انها احسن من الاكسنت, الاكسنت منتشره فى اكثر من 30 دوله و باعت عربيات اكتر من لوجان كتير جداً و منتشره منذ فتره اطول. وبالنسبة لسعر إعادة البيع فماينفعش نحكم عليه من غير ما نعرفه ، وان كان ضرب النار اللى على العربية دلوقتى بيقول إنها هتكون مطلوبة. الطلب الشديد على العربيه علشان سعرها منخفض و وكيل كويس و اسم كبير زى رينو (بس لو كانت نفس العربيه نزلت باسمها الاصلى : داتشيا كانت حتعمل نفس المبيعات!!!!, و حاجه تانيه لو تفتكر الميجان اول منزلت مهى كشنت نفس الحكايه و حصل هجوم و ناس كتير جداً حجزت العربيه و شوف سعر اعادة البيع عامل ازاى؟؟ و فى عربيات كتير انتشرت و سعر اعاده البيع وحش) وبالنسبة للصيانة وقطع الغيار .. فبالنسبة للوجان أنا مش شايف إن أسعار قطع غيارها مختلفة عن الكورى .. وعلى فكرة فلتر بنزين اللوجان تمنه 60 جنيه ، وبتاع النيو أكسنت تمنه 210 جنيه مين الى قال فلتر بنزين الاكسنت بـ210 جنيه الفلتر من الوكيل سعره 120جنيه (والسعر ارخص كتير خارج التوكيل) و بعدين الفلتر مش سعر بس, يعنى شوف فلتر النيو اكسنت بيتغير كل 40الف كم و شوف بتاع اللوجان كل كام كم و ساعتها نعرف انهى اوفر(و ليس ارخص) و بعدين شوف اسعار الحجات التانيه مش الفلتر و بس و بعدين الحكايه مش اسعار قطع غيار و بس دى مصنعيات كمان يعنى شوف تكلفة الساعه فى يوكيل هيونداى و تكلفه الساعه فى توكيل رينو؟؟ الخلاصة إن النيو أكسنت عربية ممتازة ، بس اللوجان مش أقل منها ..

أنا شايف ان العربيه الافضل هى النيو اكسنت