المشاركة الأصلية كتبت بواسطة hazem_khidr
الفايده فعلا من اللوحات الجديده علشان تقليل الارقام
لان الارقام في القاهره كانت حتوصل ل 7 ارقام
و بكده حيبقي الرقم كبير اوي
وكان الحل الامثل هو متواليه عدديه و ابجديه
احنا عندنا 28 حرف في اللغه العربيه و 10 ارقام
لو عملنا تباديل وتوافيق ما بين الحروف و الارقام حيطلع
رقم بالملايين من يكفي مصر لسنين طويله.
بس برضه كالعاده ماعرفناش نعملها صح و حصل تخبط
الاول كانت حروف و ارقام عربي و انجليزي
و بعدين جعلوها عربي فقط !
يعني لسه بنقول يا هادي في المشروع و بقي فيه منها نوعين في الشوارع
فعلا مافيش تخطيط
|
الله ينور عليك يا زوما
هى فعلا الفكره فى كده بس المشكلة فى استخدام النظام العددى (المتوالية) المناسبة وطريقة طباعتها على اللوحة
لو اتعملت حتى بنظام الاعداد الست عشرى hexdecimal
0123456789abcdef
هيبقى عندنا احتمالات لملايين الارقام وتوافق كامل مع النظام البرمجى الحالى بس الفرق انها بدل ما تتطبع زى دلوقتى (على مجموعتين واحدة ارقام وواحدة حروف ) تبقى على تلت مجموعات كل واحدة ارقام وحروف زى كده مثلا
AF 89 A9
ديه مثلا فيها حروف AFA بس اللى يقراها على انها افا يبقى هو اللى بيتلكك واحتمالات الكلمات الغير لائقه هتبقى اقل جدا وهتبقى سهلة فى الحفظ حتى والتذكر وهيبقى فيه منها ارقام مميزة برضو وكل حاجة بس زى ماقال حازم مفيش تخطيط وديه مشكلتنا فى كل حاجة