المشاركة الأصلية كتبت بواسطة memodina1
طيب يا استاذ احمد هل لو العربية مثلا زيرو وشلنا علبة البيئة هياثر على السحب ويبقى افضل ولا ما دام العلبة سليمة يبقى هى هى
|
فعلا لو العلبة سليمة يبقى مفيش فرق هى هى
المشاركة الأصلية كتبت بواسطة islamnasser10
روحت لبتاع الشكمانات قولتله علي الماسورة اللي بتركب مكان علبة البيئة قالي مبعملهاش علشان اللحام بيفك ومش حلوة ومبشتغلش فيها
قولتله طيب اللانوس الهاف اوبشن مفهاش علبة بيئة ايه اللي معمول فيها
وراني الشكمانين بتوع اللانوس الفول اوبشنز والهاف
شكمان الهاف اوبشنز اطول من شكمان الفول اوبشنز علشان مفهوش علبة بيئة
المهم قولتله ده طبعا مفهوش اي ضرر للموتور ولا صوت ولا بتاع لانه بتاع اللانوس الهاف اوبشنز الاصلي
قالي تمام
بكام ده ياعم ب 300 ومعندوش فصال
طيب ركب وقعد بتاع نص ساعه وكله تمام الحمد لله النتيجة مرضية وارتحت من علبة البيئة ومشاكلها
|
خير ما فعلت تعددت الطرق و النتيجة واحدة
حتلاحظ ان مساحة مقطع مواسير الشاكمان ثابتة و كمان = مساحة نفاذ العادم فى علبة البيئة
بمعنى ان مساحة المقطع واضحة و صريحة فى المواسير
اما فى العلب فهى برضه = مساحة مقطع الماسورة
و دا يفسر ضخامة العلب عن المواسير لان مثلا علبة البيئة الكتاليزر عبارة عن مادة صلبة يوجد بها فتحات بطول العلبة فعشان يوصل لنفس مساحة المقطع بتاع الماسورة كان لازم العلبة تكبر لتعويض مساحة المادة الصلبة