انا قربت أتجنن
فكيت الديسك و الإسطوانة و البلية إللي راكبين في العربية
و لقيت بلية الدبرياج معووجة شوية
و الأسطوانة كويسة و مفهاش أي جزء ملووح
و الديسك حالته كويسة
قولت في داهية كل دة
نزلت التوفيقية و إشتريت طقم علي بعضه جديد (ديسك و إسطوانة و بلية)
ماركة MAPA تركي
لأن لقيت الأيطالي شكله مش مريح نفسيا
مع إن الطقم الأيطالي كان عامل 230 جنيه
جبت الطقم تركي ب 270 جنيه
و دي صورة الطقم التركي اللي جبته
ماعدا البلية بس إللي إيطالي (لأني ما لاقيتش غيرها)
و ركبت الطقم الجديد
موضوع السنتر بتاع الأسطوانة عشان عارف إنكوا هتعلقوا عليه و تقولوا لازم (عمود دايركت قديم)
انا عملت حركة لذيذة
ركبت الأول البلية في الفتيس
ثم الديسك
ثم ركبت الأسطوانة في المشرشر بتاع عمود الديركت كويس
(إللي هو في قلب الفتيس)
و روحت مركب الفتيس علي طول في الموتور
و ربطت المسامير بتاعت الديسك من خلال فتحة صغيرة في جسم الفتيس
و قرطت علي مسامير الديسك كويس و كله تمام
و ربط الفتيس كويس و كل حاجة زي الفل
و جيت أدور العربية
ركزوا معايا يا رجالة في الكلام اللي جاي دة
1 - الموتور بيدور تماااااااااام من أول تكة
2 - صوت الموتور كويس و مفيش أي تخبيط و لا ترزيع
3 - العربية سبتها 10 دقايق تسخن و هي واقفة (عشان بقالها 4 أيام مادورتهاش)
4 - تيجي تدوس دبرياج و تجيب كل الغيارات ... بتيجي بدون أي عضة و لا مشاكل
5 - تيجي تشيل رجلك من عالدبرياج عشان تمشي ... تلاقي الرجرجة لسة موجودة
العربية بتمشي لكن مع رجرجة و ترزيع جاااااااااامد
طبعا بمشي نص متر و أقف لأني مش قادر أكمل و أمشي مع الترزيع دة
أرجوكم أرجوكم
محدش يجيبلي سيرة
(إضبط الكهربا - أو الكاربيراتير - أو البوجيهات - أو الكبالن سواء داخلية أو خارجية
- أو قواعد الموتور كلها كويسة و مفهاش أي قطع أو شروخ - أو التاكيهات أو أي حاجة خاصة بالموتور)
كل دة سليم و شغال كويس و مفهوش أي كسور
الكبالن كويسة
كاوتش الكبالن كويسة
صلايب الكبالن الداخلية كويسة
بلي العجل لسة جديد و كويس
أي حاجة تخص العفشة كويسة
آخر حاجة هعملها ديلوقتي
هفك الكوبلن الشمال خالص من العربية و هادور العربية و أشوف هل الترزيع موجود و لا إيه
كدة انا شاكك في الفتيس من جوة فيه حاجة غلط
شكلي هفكه تاني و أوديه لبتاع الفتيسات يشوف فيه إيه
و الحمد لله علي كل حال