المشاركة الأصلية كتبت بواسطة Dr. Bolbolan
حمدلله على السلامه يا باشا ! دى علامات كبر السن ! مع انك طبعآ لسه شباب !
بس دى البدايات ! انشغال البال وتعدية شارع عايز تدخله وانت عارفه 100 مره !
مش ح أقول لك ركز ! ولكن أول لما تركب السياره قل " بسم الله توكلت على الله "
" ولا حول ولا قوة الا بالله " " سبحان الذى سخر لنا هذا وما كنا له مقرنين " !
ما فيش داعى للكاسيت والسى دى الا للمسافات الطويله و خارج البلد ! يعنى رابح
دخان أو سلوى مش أبوهامور والصناعيه ! الراديو بأه اسمع أغانى بس لآن البرامج
الحواريه أو قصه بتاعة على بابا أو مرزوق و أم شوق ح تخليك تسرح يخيالك علشان
ترى أمامك ما تسمعه ! ولا ترى الميكروباس اللى ح تلبس فيه ! لو فيه زعل مع
الحكومه ! اتقمص واعملها دندره بس ماتنزلش من البيت وانت زعلان أو علشان تصالحها !
أنا مره كان دماغى مشغول ونزلت لقيت السياره مخبوطه من الناحيه الشمال من الفانوس
الآمامى الى الفانوس الخلفى و حاولت أفتح الباب لم يفتح ( من الخبطه ) وقعدت نصف ساعه
واقف أمامها محتار وأكاد أبكى ! فى الآخر طلعت مش عربيتى ! تصور ! والخبطه من ناحية
الرصيف يعنى مستحيله ! والباب لم يفتح لآنه مش مفتاحها ! مش بقول لك السن له حكم !!
Dr. Bolbolan ptmnlo123per1127
|
والله العظيم يا دكتور إنت عسل أنا عمال أضحك قدام الكومبيوتر زي الأهبل على موضوع إنها مطلعتش عربيتك والحكومة (اللي كانت هتلبسني في الميكروباص) بتسألني بتضحك على إيه ؟؟؟؟؟؟؟؟؟؟؟؟؟؟
بس تصدق حضرتك قولت على حاجات أنا مكنتش واخد بالي منها فعلا إظاهر فعلا إن ديه علامات كبر السن وبدأ الزهايمر !!!!!!!!!!!!!!!!!!!!!!!!! !!!!!
عامة أشكر الجميع على الدعوات وربنا يستر طريقنا جميعا