رد: اسبرانزا ولا بى واى دى
والله أنا عندي إسبرانزا 516 موديل 2012 وعامل بيها 30000 كيلو لغاية دلوقت بدون مشاكل غير بعض عيوب التجميع اللي للأسف منتشره في جميع الصناعات المصريه وتم حلها ف التوكيل بسهوله وبدون ماأدفع مليم واحد ... وأقدر أقولك عموما الإسبرانزا موتور أقوى من البي واي دي 117 حصان والبي واي دي 107 حصان ... كمان التوكيل بتاع إسبرانزا حلو جدا مقارنة بتوكيل البي واي دي ... ضيف كمان أن أوبشن الإسبرانزا أكتر وشكلها مختلف مش متقلد زي الببي واي دي اللي متاخده من الكورولا ... ونقطه مهمه كمان إن الإسبرانزا شركه ليها عدة موديلات ف السوق وأصبحت ماركه معروفه بتعدد موديلاتها لكن البي واي دي ماعندهاش غير الموديل ال f3 بس ... كمان معظم البي واي دي تاكسي فقط لكن معظم الإسبرانزا ملاكي ... رأيي من خلال تجربة الإسبرانزا أنها عربيه فعلا محترمه ... لكن أنا ماجربتش البي واي دي غير مرتين ركبتها تاكسي بس عشان كده ماأقدرش أحكم عليها بدقه ... وربنا يوفقك لما فيه الخير والصواب.
|