الكاوتشة طارت وانا علي الطريق الدائري
سلام عليكم الحمدلله ربنا سترها ونجاني انا كنت ماشي علي الدائري وفجاء لقيت العربية زي متحس انها عايمة شوية قلت يمكن العفشة عايزة تتربط خصوصا اني خدت مطب جامد وانا طالع الدايري المهم هديت السرعة شوية ولسة جاي اجيب تالت واجري لقيت العربية حدفت مني يميين والطارة عامت مني ورحت واخد غرزة في عربية نقل كانت راكنة يمين وربنا ستر ان الي وراي خدو شمال ورحت نازل لقت الكاونشة اليمين الي ورا مش موجودة وواحد جايبهي من اخر الدنيا وتيل الفرامل الخلفي مكسور طبعا انا مخضوض ومذهول ومش مصدق الي حصل وكلمت ونش جه خدني خد 120 ج الحرامي ورحت للميكانيكي غيرلي صرة ومسمار تليفون ومغيرش التيل قالي شغال وربط العفش خدت العربية ومشيت لقيت برضه العوامان موجود رجعتله قالي ظبط زوايا روحت رايح للعفشجي بتاعي طلع انه مش مربط المقص كويس ونفس الكواتشة لسه بتلق راح مربطهالي وطلع جرب وقالي تمام...
المهم اني لسه حاسس ان العربية عايمة مني فهل ده احساس نفسي ولا عايزة زوايا مع ان العفشجي قالي مش محتاجة زوايا.
ايه الي خلي الكاوتشة تتطير علما باني قبلها بيوم زودت هوا وقلت لبتاع الكواتش قرطلي علي المساميرفهل ده السبب ولا المطب الي خدته ولا ايه
انا قفلت من العربية مع انها مكملتش معايا 4 شهور لاني اول مجبتها كوبلن فرط مني وحاسس ان مفيش امان خلاص في العربية دي
|