رد: هل اتعرضت لموقف زي ده قبل كده ....وعملت ايه ......؟؟
انا اتعرضت لنفس الموقف ركنت جنب مجمع التحرير وتوهت خالص معرفش الاسوار فجاه كترت والشوارع بقت شبه بعض معايا ودماغى لفت حسيت انى هقع على ركبى والله ومن نحسى بقى مش الموقف متنيل لا لازم يتنيل زيادة لقيت عربية شكل بتاعتى نيسان فضى بردوا رحت عليها ادوس على الريموت مش مستجيب قلت ادخل المفتاح يمكن بطارية الريموت فضيت ماهو يوم نحس ويجى صاحبها ويمسك فى ويقولى حرامية وراسه والف جزمة لياخدنى القسم لولا معايا كارنيه النقابة ورخصة عربيتى مكنش اتعاطف معايا المهم لما فهم الموقف اتعاطف معايا ودور معايا والله قالى اقعدى فى عربيتى وسابهالى بالمفتاح بتاعها كمان وراح هو يدور على عربيتى وطبعا هو اللى لقاها لانه مكنش مخضوض زيى طبعا
|