رد: سؤال رفيع يا بشمهندسين مصر موتورز
انا شخصياً بحب شراء المستعمل ومبيفرقش معايا الدهان الخارجى خالص بالعكس اشترى عربيه راشة خوارج رش نظيف احسن ما اشترى فابريكا بره وحالة الدهان متبهدلة
بس انا مش بتكلم عن رائى الشخصى انا بتكلم عن اسلوب السوق وتجارة اللى بيبقى هدفهم يطلعو اى عيب فى العربيه ينزلو بيه من تمنها
او الناس اللى بتخاف من المستعمل جداً لدرجة انه بيبقى شايف اضمن حاجة يشترى عربيه فابريكا علشان ده بيحسسه انها متعلبش فيها خالص
اما من الناحية الفنية رش القوائم يهين العربيه فى حالات زى
انه يترش طبقة على طبقة ويبان اثار تسييل او كلكعة (تخانة) فى طبقة الدهان
او يبان تغبير (اثار رزاز) على دواخل القائم او الاكسسوارات الكاوتش بتاع الابواب
او من اثر رش طبقة على طبقة يبان تقشير فى الدهان
كمان بعد الدهان طبقة الورنيش متقلش اهمية عن الدهان نفسه لازم متكونش بزيادة ويكون نوع نظيف برضو وطبعاً ميكونش فيه اثار تسييل
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|